شاهد.. أغنية "ورقة وقلم" لـ محمد محيي
ياسمين شهاب ـ تكتب عن أغنية ورقة وقلم
طرح الفنان محمد محيي، أغنيته الجديدة “ورقة وقلم” عبر قناة الشركة المنتجة على موقع الفيديوهات “يوتيوب“.
“ورقة وقلم” من كلمات إيهاب عبده وألحان مصطفي عوض وتوزيع رفيق عاكف ومهندس صوت أمير محروس.
نرشح لك: شاهد.. برومو حكاية “كدبة كبيره” من مسلسل “ورا كل باب”
أغنية ورقة وقلم
جاءت كلمات الأغنية كالتالي:
أنا هكسب فيك ثواب
من غير جرح وعذاب
هبعد وهقول بتيجي على أتفه الأسباب
أنا هبقى معاك كريم
مش هفتح سين وجيم
أنا عايز بس أقولك في بينا حساب قديم
هات ورقة وقلم وتعالى نحسب سوا
كام دمعة بكيتها عيني
كام جرح يقول دويني
ياما قولت هتهنيني ماشوفتش يوم هنا أنا
هات ورقة وقلم
وتعالى نحسب سوا
اللي أنت عملته فيا
كِرهت الدنيا ديّه
وعشان تحس بيا قدامك 100 سنة
هات ورقة وقلم
أنا عايز أديلك فكرة
إن ملكش معايا ولا ذكرى
حلوة تمحي الآلم
واللي اتظلم ااه
قلبي اللي عاش عمره في هواك ماحسبلهاش
دي ذكريات أليمة
ماعدش ليها قيمة
مابقاش في حتة سليمة
في قلبي من الآلم
مش هندم إني سبتك
ورميت ورا قلبي طوبتك
بس أنا ذنبي في رقبتك
بالورقة وبالقلم
يذكر أن محمد محيي كان قد طرح من قبل ست أغنيات هي “سهرانين” كلمات نور حمدي، وألحان محمد محيى، وتوزيع محمد العشي.. و”فوضت أمري” كلمات أشرف أمين، وألحان محمد محيى، توزيع محمد العشى، و”قلت أخونه” كلمات نور حمدي، وألحان كريم حمدي، توزيع فهد، و”قضية” كلمات رضا أمين، وألحان مصطفى عوض، توزيع فهد و”بعدنا” من كلمات أحمد مرزوق، ألحان وتوزيع محمد رحيم و”أنت في دمي” من كلمات أيمن بهجت قمر، وألحان وليد سعد، وتوزيع فهد.