أبرز تصريحات الرئيس "السيسي" عن الإنجاب والتغذية

تصريحات الرئيس عن الإنجاب والتغذية

افتتح الرئيس عبد الفتاح السيسي، قبل قليل، المدينة الصناعية الغذائية بالسادات وعدد من المشروعات الأخرى بمدن الدلتا.

وخلال ذلك الافتتاح، تطرق الرئيس عبد الفتاح السيسي، للحديث حول أهمية التغذية في بناء صحة الأجيال القادمة، وعن كيفية توفير الأموال اللازمة لهذه التغذية، وغيرها من التصريحات التي نرصد أبرزها فيما يلي:

1- لا بد من تنظيم الإنجاب في مصر “الرزق على ربنا مفيش كلام وكلنا عايشين في العالم بفضل ربنا، اللي أمرنا نفكر ونتدبر في الأسباب، احنا عاوزين عدد ولا جودة؟.. طفل واحد جيد ولا 3 أو 4 أطفال بظروف صعبة؟!”.

نرشح لك: الرئيس السيسي يطلع على عينات جديدة من البنكنوت تصدر بنوفمبر

 

2- تنظيم الإنجاب في مصر يعتبر من التحديات، وإذا تحدثنا عن التعدي على الأراضي الزراعية فذلك مرتبط بالنمو السكاني.

3- الاستمرار بالنمو السكاني هو أمر خطير “يعني لما نيجي نقول إننا من 2010 للنهاردة ما يقرب من 20 مليون إنسان زادوا، طب ما العشرين مليون زيادة دول محدش يقول طب يا ترى الأسعار بتبقى غالية ليه؟ طب ما لازم الأسعار تزيد لأن حجم الطلب بيزيد لإنك عايز توفر أكل لـ 20 مليون”.

تصريحات الرئيس عن التغذية والإنجاب

4- لا بد من أن ندبر 8 مليار لتغذية الأطفال، إذ أن تكلفة الوجبة الواحدة للطفل تتراوح ما بين 6 أو 7 جنيهات “حد هيقول لي هتقدر تدبر المبلغ ده.. آه أخصم من الوزارات كل وزارة هناخد منها حتة”.

5- لا بد أن يشارك الشعب في تدبير أموال التغذية “زي ما بقول للحكومة إن الـ 8 مليار بتوع التغذية لازم يتدبروا، بقول كمان للرأي العام في مصر هو عطاء متوازن بينا وبين بعض.. احنا نعمل وانتوا كمان تساهموا معانا”.

6- نحن مسئولون عن تهيئة الظروف المناسبة للشعب، “احنا مسئولين والأسرة كمان مسئولة على أنها تهيئ الظروف المناسبة لإنجاب طفل.. دي روح يا جماعة! فلا بد إننا نوفر لها أنسب الظروف بأسباب الدنيا اللي احنا نعرفها، طبعا في أقدار ربنا سبحانه وتعالى منقدرش نتكلم فيها، لكن في أسباب الدنيا إن الأم اللي هتنجب تكون مستعدة”.

تصريحات الرئيس عن الإنجاب والتغذية

7- نحن نعمل بجد وشرف من أجل مستقبل وطننا “احنا ناس جادين وأمناء وشرفاء ومأمونين على حياة الناس ومستقبلها ومصاير بلادنا وشعوبنا”.

8- لا بد أن نهتم بقضية الإنجاب والتغذية “القضية على مستوى المجتمع والدولة محتاجين نتناولها جميعا حتى في الدراما.. إزاي إن يبقى فيه بناء طفل وإنجابه، احنا عرفنا بقى.. نحول المعرفة بتاعتنا لممارسات”.

9- “أرجو إن فهمنا لما اتكلمت عن عملية تنظيم الدعم في رغيف العيش إنه يصل للناس وميتمش إساءة استقباله لأننا بنهدف نعمل نقلة كبيرة في الأسعار.. احنا بنتكلم إننا نقدر نعمل شكل متوازن، حتى نستطيع أن 8 مليار بتوع التغذية يتحقق.. لازم نغذي ولادنا دول مستقبل مصر”.

تصريحات الرئيس عن الإنجاب والتغذية