شاشة

رانيا يوسف عن منتقدي صورتها مع رئيس برشلونة: جماعات ممنهجة لمحاربة الناجحين

دنيا شمعة

علقت الفنانة رانيا يوسف على الجدل المثار مؤخرا على صورتها مع رئيس برشلونة، قائلة إنها لا ترى في الصورة أي شيء مخل أو محرج.

تابعت “رانيا” خلال مداخلة هاتفية مع برنامج “الحكاية” مع الإعلامي عمرو أديب، أمس الجمعة عبر شاشة “mbc مصر”: “اتنين مشاهير بينهم أصدقاء مشتركين وابنه زميل بنتي في الجامعة اتقابلوا واتصوروا مع بعض، مش عارفه ليه الدنيا اتقلبت؟.. وكأن أول مرة يشوفوا واحدة مصرية بتتصور مع أجنبي، دي جماعات ممنهجة لمحاربة أي حد ناجح ومحبوب ودول موجودين من زمان بس طفحوا علينا بعد 2011”.

نرشح لك: رانيا يوسف عن صورتها مع رئيس برشلونة: طلب يتصور معايا


أضافت: “هاشتاجات ومنتهى قلة الأدب والأخلاق.. أنا متصورة في الشارع مش في حفلة خاصة ولا بيت، الناس اللي بتحارب النجاح دي طول عمرها موجودة”.

أردفت: “بتواصل مع مباحث الإنترنت حاليا عشان أبلغ عن كل الناس دي، لازم يبقى فيه وقفة عشان الموضوع مش فوضى، بيحاولوا يكرهونا في بلدنا بس مش هينجحوا.. ومش هنهرب من بلدنا وهنفضل قاعدين فيها”.

يذكر أن رانيا يوسف شاركت في مسلسل “ملوك الجدعنة” الذي عرض في رمضان الماضي وهو من بطولة عمرو سعد، مصطفى شعبان، ياسمين رئيس، رانيا يوسف، وتأليف ورشة كتابة فنية تحت إشراف الكاتبة عبير سليمان، إخراج أحمد خالد موسى.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock