"أنا الممكن".. كلمات إعلان بنك مصر

طرح بنك مصر إعلانه الجديد لموسم رمضان 2021، بعنوان “أنا الممكن”، والذي شارك به كل من مدحت صالح ومحمود العسيلي، ودياب.

أغنية “أنا الممكن” كلمات أمير طعيمة، وألحان وتوزيع علي فتح الله، وظهرت في الإعلان عدد من اللقطات التحفيزية أبرزها ظهور المذيعة رحمة حسن، أول مذيعة من ذوي القدرات الخاصة، وفريق كرة القدم النسائية المصري.

نرشح لك: المواعيد الكاملة لـ مسلسلات رمضان 2021

وجاءت كلمات الأغنية كالتالي:

تلاعبني الاعبها وبواجه الدنيا وبغلبها
وتشكك وأنا واثق فيا واللحظه الصعبة بعديها
فراك وماليش مالكة لو حتي السكة ماهيش سالكة.. أستاذ في الشدة وبتعامل بسايسها وبقدر امشيها

أنا سايق مركبي والكورة في ملعبي.. أنا قدك يا حياة مهما تكركبي
أنا ماشي في سكتي مهما هتبوخي
أنا عارف.. قوتي فبراحتك خبطي
أنا الممكن.. مش ممكن الصعب مني يتمكن

أنا الممكن مش ممكن الصعب مني يتمكن
متمسك بالممكن أنا قط يجري ومايقفش
تضرب تقلب عادي.. تتشقلب تتسد قصادي
فالدنيا هاتلويلي بوزها.. على مين ده أنا ملك الحتة دي

لا بسلم ولا اطاطي مين يقدر يوم على إحباطي
أنا زي الموج ماليش كتالوج.. كلمة لا مش في حياتي
أنا سايق مركبي والكورة في ملعبي.. أنا قدك يا حياة مهما تكركبي
أنا ماشي في سكتي مهما هتبوخي
أنا عارف.. قوتي فبراحتك خبطي
أنا الممكن مش ممكن الصعب مني يتمكن
أنا حرفي ما بغلبش تبعدني الدنيا مابتعبش
أنا الممكن مش ممكن الصعب مني يتمكن
متمسك بالممكن أنا قط يجري ومايقفش

يشار إلى أن الأغنية هي التعاون الثالث بين محمود العسيلي مع بنك مصر في حملة إعلانية لرمضان، والثاني لمدحت صالح والأول لدياب.