شاشة

بطريقة طريفة.. كريم محمود عبد العزيز يحكي قصة حبسه في لبنان

قال الفنان كريم عبد العزيز، إنه تعرض للسجن في لبنان من قبل، معلقا: “بس مش سوابق”.

أوضح “عبد العزيز” خلال حلوله ضيفا على برنامج “سهرانين” برفقة شقيقه محمد والفنان لؤي، مساء الخميس، مع الفنان أمير كرارة، عبر شاشة “ON”، أنه كان يصور فيلم “بحر النجوم” في لبنان، وكانت فكرة تصويره بالخارج جديدة بالنسبة له.

نرشح لك: قصة القبض على محمد محمود عبد العزيز في أمريكا

تابع: “أنا قولتلهم مش هروح إلا لو كل حاجة تمام عشان ميقولوش دي فيزا عمل ودي فيزا سياحة قالولي تمام، وكنت رايح بقول هرجع نجم مصر من السفرية دي، والفيلم محدش شافه بردو، لأن اتعامل معاملة فيلم أجنبي وكان بينزل 6 سينمات”.

أشار إلى أنه دخل لبنان بالإقامة، وخلال تواجده انتهت الإقامة وذهب لتجديدها فالسلطات سحبت منه جواز السفر وأعطته ورقة مؤقتة لمدة أسبوع حتى موعد تجديد الإقامة، متابعا: “الفيلم كان واقف، وفجأة اشتغل ومبقتش دريان بحاجة وانشغلت في الفيلم وعدى شهر أو شهر ونص وجواز السفر عندهم، روحت هناك بعد ما خلصت الفيلم وعملنا مؤتمر صحفي، ومش مدي خوانة روحنت مبني الأمن العام أطلب جواز السفر فضلوا يقولولي روح المكتب دا ومن المكتب دا على المكتب دا”.

أضاف: “فجأة لقيت حد بيكلم ظابط، معرفش قاله إيه أنا نفسي أعرف، كان معايا واحد صاحبي سألته في إيه قالي لا هتستلم جواز السفر ومفيش حاجة، دخلت مكتب وفجأة نقلوني مكتب تاني وفجأة لقيت كلابشات اتحط على المكتب، قولت ماليش دعوة مش موضوعي أكيد مش بتاعتي، دخل واحد وقالي هنفتح التحقيق قولتله معملتش حاجة، قالي لأ كان في فيلم وبتصوروا وكدبت وغيرت إقامتك”.

تابع: “الراجل قالي هتلبس الكلابشات، قولتله لأ أنا ابن ناس وعمري ما لبست كلابشات قبل كده فمش هينفع، بصلي ولبسني الكلابشات وفجأة مبقاش عندي ريأكشن وقالي اضمي على أقوالك، قولتله أنا مقولتش حاجة عشان أمضي، أنا اعترفت فيه فيلم بس معرفش فيه كده”.

أشار إلى أنه تم ترحيله لأحد السجون، ليقضي ليلته في الحجز، وخلال تواجده في الحجز قابل ضابط تعرف عليه تركه لبعض الوقت وعاد إليه وأخبره بأن الموضوع قد حُل، مشيرا إلى أن شخصا من إنتاج الفيلم ذهب ليخرجه، وأعطاه هاتفه ليكلم والده الفنان الراحل محمود عبد العزيز، وسط حالة من البكاء بسبب ما جرى له.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock