إبراهيم فايق عن أزمة مرضة: "كنت حاسس إني مش هكمل"

تحدث الإعلامي إبراهيم فايق، عن تفاصيل أزمته الصحية التي تعرض لها منتصف شهر نوفمبر الماضي.

قال “فايق” خلال حلوله ضيفا على برنامج “معكم منى الشاذلي”، مساء الخميس عبر شاشة “cbc”، مع الإعلامية منى الشاذلي: “كانت وقعة صحية كبيرة ومكنتش على البال شويتين تلاتة، هي اتشخصت كده بالضبط جلطة في الشريان الرئوي”.

نرشح لك: وفاء مكي عن أزمة دخولها السجن: “الأنبياء اتحبسوا”

تابع أنه عادة ما كان يسمع أن تلك الجلطات تأتي للمدخنين، وهو غير مدخن بل رياضي، مضيفا: “أنا حمول شوية كنت بقالي فترة تعبان، بس مبشتكيش ومبتكلمش وبروح الشغل وبحاول على قد ما أقدر أبقى محافظ على شغلي، وأحيانا دا بيبقى صح، تحاملت شوية على نفسي يعني”.

وعن الأم الذي تعرض له بعد الإصابة، قال: “ألم مش شبه أي حاجة، موجع مكنتش قادر النشر كان في صدري وضهري ودراعي، ومكنتش قادر خلاص وكنت رايح الشغل بس مقدرتش ورحت المستشفى، الموضوع كان بالنسبة لي إني بتشاهد طول الوقت كنت حاسس إني مش هكمل”.

أضاف: “طول الوقت نت بتشاهد لحد ما دخلت العناية المركزة وبدأت أفوق شوية، أنا لحد النهارده لما بشوف الخبر قدامي مببقاش متخيل إن أنا الشخص اللي كاتبين عنه أنه جاله جلطة، وأنا من الناس اللي مش ممكن تركز في حاجة اتكتبت أو اتقالت لكن ضايقني جدا أن بعض الصفحات كتبت وفاة إبراهيم فايق”.

أشار إلى أن شائعة وفاته وقتها أثارت أزمة كبيرة. ووصف تلك الأخبار بـ”الأذى المجاني”، مؤكدا أن استثماره في الدنيا أصدقائه ومحبيه، مردفا: “أنا لاقيت صحابي كلهم حواليا”.