تامر أمين عن هزيمة الأهلي من بايرن ميونخ: معقولة ومفيهاش حاجة تكسف

علق الإعلامي تامر أمين، على هزيمة النادي الأهلي بهدفين نظيفين في مباراته ضد نادي بايرن ميونخ الألماني في نصف نهائي كأس العالم للأندية، أمس الاثنين.

قال “أمين” خلال حلقة الثلاثاء من برنامج “آخر النهار” المذاع على شاشة النهار: “الحمد لله إن ربنا لطف بينا قوي، والحمد لله الذي عافانا مما ابتلى به كثيرين آخرين من اللي شالوا 8 و7 و10، الشر برة وبعيد، اتنين حلوين قوي، عدل وفضل ورضا”.

نرشح لك: الأهلي وبايرن.. لم يكن في الإمكان أبدع مما كان

استكمل: “فضل ورضا إن أنت مطلعتش امبارح بفضيحة، ماتعملش عليك سيرك قومي، محصلش امبارح فيلم فاضح في الملعب، لا كانت مباراة شكلها تمام، فرقة أقوى من فرقة فطبيعي أن الفرقة الأقوى تكسب 1 أو 2 صفر، الماتش فيه شكل مقبول مش هقول فيه ندية”.

ذكر أنه يشعر بالفخر بالبلد وبالنادي الأهلي، مضيفا أن الأهلي هو سر سعادة المصريين وهو الوكيل الحصري لكرة القدم المصرية أمام العالم.

تابع أنه ما زال الأربعة الكبار وسينافس يوم الخميس المقبل على الصعود لمنصات التتويج والحصول على الميدالية البرونزية.

استكمل: “رغم العرض القوي والروح الرياضية والنتيجة المعقولة اللي مكنش فيها حاجة تكسف بس أنا زعلان، علشان الأهلي ميعرفش الخسارة وأنا كأهلاوي معرفش يعني إيه طعم الخسارة، فلما بتحصل حتى لو من أحسن فريق في الكون بزعل لأن هي دي كيميتنا”.