بسبب إصابة في عينها.. سالي عبد السلام تطلب الدعاء

شاركت الإعلامية سالي عبد السلام، الجمهور، بصورة كشفت من خلالها عن إصابة عينها بدمامل، منعتها عن استكمال تصوير برنامجها “قصة حقيقية”.

نشرت “عبد السلام” الصورة عبر حسابها الشخصي على موقع “فيس بوك” وعلقت عليها كاتبة: “زى ما اتفقنا هنزل الحلو والوحش وقرار في حياتى خلاص عشان مش هاخد السوشيال ميديا في الحلو بس، لأول مرة في حياتي أوقف تصوير بسبب 3 دمامل في عيني مش عارفة افتح عيني منهم بعد ما جيت وقاوحت وقلت هصور ونجرب، مقدرتش أكمل”.

نرشح لك: خصوصية وتنوع وحكايات.. أبرز ما يميز “قصة حقيقية” لـ سالي عبد السلام

تابعت: “سبحانه، الحمد لله في كل ضراء وسراء يا الله، الحمد لله رضا، معرفش هتخف في قد ايه، هتحتاج أي تدخل غير العلاج ولا لا، هنرجع في قد ايه، معرفش بس الحمد لله، ادعولى، إنا بدعى لأي حد يأمني ادعيله”.

يشار إلى أن سالي عبد السلام، كانت قد ذكرت مؤخرًا، أنها كانت في حالة نفسية سيئة خلال الفترة الماضية، وما ساعدها على تخطيها هو قصص متابعي البرنامج، موضحة خلال تقديمها برنامج “قصة حقيقية”، عبر شاشة القناة الأولى المصرية: “كتير كنت باجي التصوير الفترة اللي فاتت معيطة، وبالذات الشهر ده لأني كنت ممنية نفسي إن هيتكتب كتابي وأتجوز، بس الموضوع ممشيش لأن أغلبية اللي بنعرفهم مبقوش أد المسؤولية ومبقوش رجالة، يمكن ربنا خد مني حاجات كتيرة أوي ومكنتش متخيلة أنها تتاخد مني وفي الوقت ده، بس أنت عوضتني يا الله ومش عاوزة حاجة تانية.. شكرًا على ثقتكم وعلى جبر خاطركم وشكرًا أني رجعت أشتغل في بلدي تاني، شكرًا أني لو هيتقال في يوم من الأيام أني عديت جمب ماسبيرو.. ده كتير عليا أوي يا رب، شكرًا أن كل اللي حواليا رزق”.

أردفت: “عاوزة أشكر كل واحد في البرنامج وكل القائمين عليه، أنا حاسة إن النهارده ربنا جبر بخاطري جامد أوي.. أني أسمع الرقم ده، هي دي الحقيقة وهي دي القصص الحقيقية، هو ده اللي بنعمله في الحياة وبنستناه في الآخرة، كل أما تبقى حاسس أنك عاوز تعيط روح طبطب على حد بيعيط.. كل حاجة راحت مننا مكانتش بتاعتنا، هفرح وهضحك وهرجع زي الأول ومش همني نفسي بحاجة، وهخلي أهلي يشوفوني مرتاحة وسعيدة، لأن محدش يستاهل”.