كلمات أغنية "حب غلط" لـ محمود العسيلي
طرح الفنان محمود العسيلي، أغنيته الجديدة بعنوان “حب غلط”، على طريقة الفيديو كليب على قناته الرسمية بموقع “يوتيوب”.
الأغنية من كلمات أمير طعيمة، ألحان محمود العسيلي، توزيع علي فتح الله، إخراج إبراهيم حدرج.
نرشح لك: شاهد.. أغنية “حب غلط” لـ محمود العسيلي
جاءت كلمات الأغنية كالتالي:
ابعديني حاولي تفهميني
ألف مرة حاولت امشي بس قلبي رجع
ساعديني من قلبك شيليني
أصلي عارف إن السكة دي آخرها وجع
بتشوفيني ليكي بتسحبيني
وضعي صعب ومرضي بيكي مش أي مرض
والحقيقة من أول دقيقة
أنا عارف وانتي عارفة أنه حب غلط
وكفايانا بقى لُقا هيتعبنا
إحنا الاتنين مش هنكمل ده نصيبنا
مفيهاش بعدين الوقت مهوش في صالحنا
ماشيين ماشيين يبقى نواجه بقى روحنا
أنا بس عايزك تبقي عارفه أنك انتي ليا
اقربلي مني انتي عايشة في كل حتة فيا
مش هنسى لما كنا بنهرب من حياتنا دي
لما كنتي تدفي في حضني وتنسي الدنيا بيا
مش هنسى أيام الشتا ولا فيروز والأغاني
ضحكة من قلبي طالعة وعارف مش هضحكها تاني
كان حلم بنبني فيه سنين وهيتهد في ثواني
ما أنا كنت عارف وانتي عارفة أنه حب غلط
وكفايانا بقى لُقا هيتعبنا
إحنا الاتنين مش هنكمل ده نصيبنا
مفيهاش بعدين الوقت مهوش في صالحنا
ماشيين ماشيين يبقى نواجه بقى روحنا
مش هنسى صوتك اللي كان الصبح بيصحيني
إحساسي بيكي في كل لحظة كنتي بتلمسيني
مش عارف أقولك قد إيه انتي هتوحشيني
بس أنا عارف وانتي عارفة أنه حب غلط
وكفايانا بقى لُقا هيتعبنا
إحنا الاتنين مش هنكمل ده نصيبنا
مفيهاش بعدين الوقت مهوش في صالحنا
ماشيين ماشيين يبقى نواجه بقى روحنا