عمرو أديب عن أعداد إصابات كورونا: مش حقيقية

قال الإعلامي عمرو أديب، إن شهور ديسمبر ويناير وفبراير هم شهور ذروة انتشار فيروس كورونا، وزيادة أعداد الإصابات.

تابع “أديب” خلال حلقة اليوم الجمعة، من برنامجه “الحكاية”: “الضغط ابتدى يزيد، وهيزيد.. فخفوا على البلد، ارحموا مصر وارحموا نفسكم وعيالكم.. مش مطلوب منك حاجة فيها فلوس، اغسل إيدك والبس كمامتك وتباعد”.

نرشح لك: بسبب كورونا.. عمرو أديب للمسئولين: مليش ذنب احموني

أضاف: “الأرقام إللي بتعلن فيه أرقام أكتر منها، لأننا لا نستطيع رصد كل الأرقام.. ومش عندنا بس ده في كل حتة في العالم، طبعًا مش دي الأرقام الحقيقية، البيوت مش كلها بتروح المستشفيات وبتتعالج في البيوت”.

أردف: “أنا مش طالب حاجة للبلد.. أنا طالب حاجة ليك ولعيالك، ده أنا لما كنت في لندن كنت بطلع السلالم على رجلي لأن ممنوع الأسانسير يركبه أكتر من 4 عشان التباعد”.