محمود حميدة: كنت معلم في سوق البهايم وأنا عندي 11 سنة
هدير عبد المنعم
قال الفنان محمود حميدة، إنه لم يكن يرغب في اللعب بالشارع مع الأطفال عندما كان صغيرا، موضحا: “اللعب بتاعي كان فيه نوع من الانفصال عن العيال على أساس إني أنا مش زي العيال دي، أنا راجل كبير وعايز أبقى زي جدي”.
تابع “حميدة” خلال لقائه مع برنامج “السيرة” المذاع على شاشة “dmc” وتقدمه الإعلامية وفاء الكيلاني، أنه كان يريد أن يصبح تاجرًا، مضيفًا: “جبت بطة وشاركت واحدة فاتحة جنبنا علشان نكبر التجارة، ده فكر تاجر أنا سمعت الكلام ده من تجار”.
نرشح لك: أمير المصري: محمد هنيدي بيرفع اللي قدامه ويلمعه
استكمل أنه عندما عمل في تجارة الحبوب والمواشي درس الأمر، كما أنه بدأ العمل في عمر صغير، مشيرا: “كانوا بيحترموني علشان شغلي طبعا، كنت بنزل سوق البهايم وأنا عندي 11 سنة، كنت معلم كبير، البهيمة اللي أتمنها محدش يزود عليا”.
يذكر أن محمود حميدة، شارك في بطولة مسلسل “لما كنا صغيرين” الذي عرض في رمضان الماضي، وهو من بطولة ريهام حجاج وخالد النبوي ومحمود حميدة ونسرين أمين ونبيل عيسى وكريم قاسم ومحمود حجازي ومنة فضالي وعماد رشاد، ومن تأليف أيمن سلامة وإخراج محمد علي.