هنا الزاهد عن تعليقات احمد فهمي: اعمل اللي يريحك

شاركت الفنانة هنا الزاهد، الجمهور بتدوينة دافعت من خلالها عن زوجها الفنان أحمد فهمي، بعد الهجوم الذي لاقاه بسبب تصريحاته بشأن مباراة دوري أبطال أفريقيا.

نشرت “الزاهد” عبر صفحتها الرسمية على موقع “فيس بوك” تدوينة كتبت فيها: “بعيدا إن شهادتي فيه مجروحة لأن الناس هتقول بقول الكلام ده عشان جوزها.. أنا لا بفهم في الكورة ولا بتفرج عليها بس بشوف قد ايه الإنسان ده بيحب يكون عفوي وبينسى أنه ممثل وبيتعامل مع كل الناس بكل ذوق حتى في الشارع وفي التصوير وفي كل مكان و الناس اللي عرفاه عارفين ده كويس”.

نرشح لك: “نباطشي”.. أحمد فهمي يتراجع عن اعتذاره لـ شيكابالا

تابع: “أنا عارفة إن الناس بتفضل تقول لا ده ممثل مينفعش يقول رأيه، بس للأسف الإنسان ده بينسى وبيخسر من كتر مهو اللي في قلبه على لسانه ومش بيحب ينافق ولا بيرضي حد عشان يكسب جمهور زي ما ناس كتير بتعمل كده، لما بيكتب رأيه بيكتبوا على أكونت فيس بوك اللي في صحابه زيه زي أي حد أهلاوي بس للأسف بتطلع أخبار بالكلام اللي بيقولوا”.

أردف: “عموما أنا عايزة أقولك أنك قلبك طيب وعفوي بزيادة وبتقول اللي جواك من غير متحسبها عشان بتنسى إنك ممثل أصلا بس الأيام دي مينفعش تبقى كده للأسف، واعمل اللي يريحك لأنك إنسان واحنا كده كده بنحبك جدا”.

 

يشار إلى أن الفنان أحمد فهمي كان قد وجه اعتذارًا لـ”شيكابالا” على خلفية إهانة جمهور الأهلي له، كاتبا عبر “فيس بوك: “رغم خلافي معاه الشديد، ومفيش صلح من بعيد ولا قريب بيني وبينه، لكن موضوع الكلب والفيديو ده حاجة عنصرية جداً الصراحة ومنظر بشع”.

أضاف: “إحنا جمهور كبير ومحترم بنقول على الغلط غلط حتى لو طالع من عندنا، الاعتذار عن اللقطة دي واجب، بعتذرلك، لكن موقفي منك لن يتغير”.

يذكر أن النادي الأهلي فاز على نادي الزمالك بهدفين مقابل هدف في نهائي بطولة دوري أبطال أفريقيا مساء الجمعة، وسجل أهداف الأهلي عمرو السولية ومحمد مجدي “قفشة” وسجل هدف الزمالك محمود عبد الرازق “شيكابالا”.