عمرو أديب عن هدف شيكابالا: جول أتكلم عليه 10 سنين

دنيا شمعة

علق الإعلامي عمرو أديب، على هدف شيكابالا، خلال مباراة نهائي أبطال أفريقيا، التي أقيمت قبل قليل، مؤكدًا على أنه هدف عالمي يجب تخليده.

تابع “أديب” خلال حلقة اليوم الجمعة، من برنامجه “الحكاية”، المذاع عبر شاشة “mbc مصر”: “جاب جول غير طبيعي، ولا المرحوم مارادونا.. الجول ده يتدرس ويتشاف كذا مرة ويتحط على اليوتيوب.. جاب جول هقعد 10 سنين اتكلم عليه”.

نرشح لك: بسبب كورونا.. هاني رمزي: كنت معرضًا للاحتجاز في الصين

أضاف: “ده مش جول طبيعي، ده لازم يتحسب ب 3، ونقوله يا كابتن انت جبت 3 وكده مع السلامة الماتش خلص”.

أردف: “الناس اللي عايشة بره مصر على فكرة مصر واقفة.. لا صوت يعلو فوق صوت نهائي القرن، ومش مصر بس ده كل العالم العربي.. الناس كلها قاعدة قدام التليفزيون، البيوت والقهاوي وكل حاجة بتتفرج على النهائي المصري”.