"لمت الناس علينا".. موقف محرج لمحمود سعد مع إحدى السيدات

عمر دياب

روى الإعلامي محمود سعد، ذكريات تعرضه لموقف محرج في بداية مشواره المهني، من قبل إحدى السيدات خلال ممارسته هواية رياضة المشي.

قال “سعد” خلال الحلقة السابعة من سلسلة فيديوهات “أيام” التي يعرضها عبر قناته على موقع الفيديوهات “يوتيوب”: “أنا كنت ساكن في شارع المنيرة، ومن زمان بحب أمشي بس مكنش عندي مشاية كهربائية، لأن كانت الظروف ضيقة شوية، لأن المشي أصبح عادة لأني لو مش مشيت يوم بشعر باكتئاب، كنت بنزل ألف حوالين مستشفى أبو الريش مكنش حد لسه يعرفني خالص”.

نرشح لك: شاهد.. قصة إصابة محمود سعد بورم في المخ خلال المراهقة

تابع: “أنا عندي الطاقة إني أقدر أمشي في 100 رايح جاي كده مش بزهق، في مرة وأنا بلف حوالين المستشفى لفت نظري ست بتدور تاخد العيش الفتافيت اللي على الأرض باقي أكل الناس، اتخضيت جدا ورجعت لها ولحقتها وكانت لسه بتلم فطلعت حاجة من جيبي فلوس، قالتلي ايه ده قولتلها حاجة اتعشى بيها كده قالتلي أنا مش شحاتة”.

أضاف: “قولتلها معلش دي حاجة ربنا بعتهالك مش أنا، أنا مجرد وسيلة، وهي متعرفنيش وبديها فلوس، لدرجة الناس اتلمت علينا من كتر ما الست عمالة تزعق لي وتقولي امشي من هنا أنا، أنا مش شحاتة، الست دي مش ناسيها أبدا لأنها خضيتني”.