الأخيرة

بعد أزمتها الأخيرة.. مها أحمد تحيي ذكرى وفاة والدها برسالة مؤثرة

شاركت الفنانة مها أحمد الجمهور، برسالة مؤثرة، أحيت من خلالها ذكرى ميلاد ووفاة والدها.

نشرت “أحمد” عبر حسابها الشخصي على موقع “إنستجرام” صورة جمعتها بوالدها الراحل، وعلقت عليها كاتبة: “اليوم ذكرى ميلاد أبي وبنفس الوقت ذكرى وفاته واحشني قوي واحشتني حنيتك عليا محتاجه قوي أحط راسي على صدرك محتاجه وجودك جنبي سؤالك عليا طبطبطك عليا محتاجه أحكيلك عن مصاعب ومصائب الدنيا. الله يرحمك ويحسن إليك وإلى لقاء إن شاء الله”.

https://www.instagram.com/p/CGgtNS9D6Sb/?utm_source=ig_web_copy_link

نرشح لك: 12 تصريحًا لـ مها أحمد ومجدي كامل.. أبرزها عن الأزمات


يشار إلى أن نجل الفنانة مها أحمد، والفنان مجدي كامل، كان قد كتب مؤخرًا، منشورًا عبر حسابه على موقع تبادل الصور والفيديوهات “إنستجرام” جاء نصه كالآتي: “أنا بكتب الكلام ده وأنا إيدي بتترعش وفعلا تعبان ومش قادر ومش عارف أنا عندي إيه ومش عارف اتكلم مع حد علشان مش عايز أخلي حد يشيل همي”.

تابع: “بس أنا هكتب الكلام اللي عايز اكتبه ده علشان أنا مش عارف اللي جاي إيه ولا هيحصل إيه، أنا حياتي بايظه بقالها أربع شهور من يوم 15-6 لحد انهارده 15-10، الأربع شهور دول أوحش أربع شهور عدوا عليا في حياتي من يوم ما جيت الدنيا علشان حصلي فيهم حاجات وجعتني وتعبتني وأثرت علي نفسيتي، أولهم كان أول حب في حياتي عاش لمدة سنة ونص وكان نهايته يوم 15-6”.

أردف: “بعدها كان وفاة حفناوي صاحبي وأخويا يمكن مكناش قريبين من بعض بس مجرد مابنتكلم مع بعض أو بنشوف بعض بيبقي اكننا نعرف بعض من الحضانة وكان في ذكريات حلوة أووي لينا مع بعض، بعدها البيت بتاعنا لما غرق كله ولحد دلوقتي منعرفش غرق ازاي ولا إيه اللي حصل بس الحمد الله على كل شيء ولحد دلوقتي البيت لسه بايظ”.

أضاف: “آخرهم بقى وده لسه من 3 أيام إني تعبت جدا فجأه وتعبت تعب مش عادي ومش عارف أنا عندي إيه ولا الدكاتره عارفين أنا عندي إيه، خدت جميع الأدويه وخدت حقن وبنام كويس وباكل كويس وبعمل كل حاجة وبرضه مفيش أي تحسن، أنا بكتب الكلام ده دلوقتي وأنا مش حابب كده خالص ولا كنت عايز أعمل كده بس عملت كده وكتبت كده وهنزله علشان أنا بجد خايف من اللي جاي ومش عارف إيه اللي ممكن يحصل، فعلشان لو حصل حاجه أكون كتبت كل اللي جوايا وأكون ارتحت إني عملت كده وعلشان برضه تكونوا عارفين أن الضحك والهزار والخروج والاستوريز مش دي الحياة الحقيقية، الحياة الحقيقية هي اللي أنا حكاتها دلوقتي”.

اختتم: “محدش يعرف أنت حياتك عاملة ازاي ولا إيه اللي بيحصل فيها ولا جواك إيه كله شايفك في صور وفيديوهات مش حقيقية، المهم ربنا يستر في اللي جاي ويعدي على خير إن شاء الله علشان المره دي أنا بجد حسيت بالموت، فلو عدت على خير حيات الواحد هيتغير تماما في كل حاجة حتى في الصور والفيديوهات، يا رب أنت الشافي المعافي”.

نرشح لك:بعد إثارته للجدل.. تعليق مها أحمد على منشور نجلها

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock