السيسي يطلب من محمد فؤاد تنفيذ العهد - E3lam.Com
طلب الرئيس عبد الفتاح السيسي من الفنان محمد فؤاد أن ينتظر ولا يغادر قاعة مركز المنارة للمؤتمرات بالتجمع الخامس، عقب تأديته أغنية جديدة للشهداء، خلال الندوة التثقيفية السابعة والعشرين للقوات المسلحة المصرية بعنوان “يوم الشهيد” والمحارب القديم، اليوم الخميس.
وجه الرئيس حديثه لفؤاد قائلاً: “استنى يا أستاذ محمد لحظة لو سمحت.. أنا بس بفكرك إنت والمجموعة اللي كانت في مسرح الجلاء في 2013 وقولنالهم إحنا هنا يعني الجيش والشرطة.. ساعتها كنتم بتقولوا هتتخلوا عننا وهتسيبونا!!.. فقولنا لكم هنموت ومش هنسيبكم”.
نرشح لك – بعد حديثه عن نجلها.. والدة الشهيد شريف عمر تحتضن قائد الكتيبة
تابع: “إحنا نفذنا عهدنا وأنتم كمان عليكم عهد لينا.. أنجزنا وعدنا وأنتم عليكم تنجزوا وعدكم.. أنتم كمان متتخلوش عننا.. الحب مش هيعمل حاجة، احنا كنا بنحب بلدنا لكن لما حبيناها قدمنا نفسنا.. بفكرك يا محمد وبفكر كل المصريين بالأيام دي وقد إيه كانت أيام صعبة ومكنش فيه أمل”.