بعد تصدرها التريند.. مقطع من أغنية "كائن تلاتيني" لـ نور الدين محمد
طرح الفنان نور الدين محمد أغنيته الجديدة "كائن تلاتيني" عبر موقع الفيديوهات يوتيوب ومنصات الموسيقى المختلفة.
الأغنية من كلماته وألحانه، وتصدرت التريند بعد تداول مقاطع من كلماتها على مواقع التواصل الاجتماعي.
جاءت كلمات الأغنية كالتالي:
لوحدي
أنا دايماً أفضل أبقى لوحدي
أنا دايماً أفضل أبقى لوحدي
مش حب في وحده
لكن كدة أهدى
ولا بجرح حد
ولا بَتعِب حد
ولا حد بيأذيني وأنا لوحدي
أنا أكتر واحد كان بيحب الناس واللمة
وأنا في العشرين كنت أرمي همومي في حضن الزحمة
وكبرت شوية وشوية شوية
اخترت سلامي النفسي لنفسي ونَفسي مهمة
كائن تلاتيني
في آخر رحلة شاب مراهق
ما بقاش بيفكر في اللي هيرجع واللي يفارق
ومشاعري حارسها جوايا حابسها
مش عايز أنافس حد خلاص فعلاً مش فارق
براحتي
أنا أكتر حاجة تهمِني راحتي
أنا أكتر حاجة تهمِني راحتي
صاحبتي دلوقتي قهوتي وسيجارتي
عايش على جنب هربان من حرْب
عامل في دماغي الدنيا بتاعتي
أنا أكتر واحد كان بيحب الناس واللمة
وأنا في العشرين كنت أرمي همومي في حضن الزحمة
وكبرت شوية وشوية شوية
اخترت سلامي النفسي لنفسي ونفسي مهمة
كائن تَلاتيني
في آخر رِحلت شاب مُراهق
ما بقاش بيفكر في اللي هيرجع واللي يفارق
ومشاعري حارسها جوايا حابسها
مش عايز أنافس حد خلاص فعلاً مش فارق