التزاما بالعرف.. أحمد سعد يوضح سبب حلق شعره
كشف الفنان أحمد سعد عن سبب حلقه لشعره ولحيته في الفيديو الذي نشره، موضحًا أنه يراجع نفسه باستمرار، وأن دافعه الأساسي كان التزامه بـ"العرف" ورفض المجتمع للتصرفات الخاطئة، بجانب التزامه بالحلال والحرام.
قال "سعد" خلال مداخلته الهاتفية عبر برنامج "آخر النهار" المذاع عاى شاشة "النهار" ويقدمه الإعلامي تامر أمين: "أنا بعمل كده كتير وساعات بيحصل لي حاجات جنونية، بس قبل أي حاجة بحمد ربنا على نعمه عليا، لأنه بيعيدني إلى الصواب".
أضاف: "بقعد أسأل نفسي وأقول أنت ليه كل مرة بتعمل الحاجات الغلط وبترجع تقول أنا آسف ومايصحش اللي عملته".
أشار: "لو فكرت الناس هتصدق ولا لا مش هرجع كل مرة أعمل الصح زي دلوقتي، زي مثلا لما واحد يستغفر هل بيفكر ربنا هيتقبل الأول ولا لا".
اختتم: "آلاف التعليقات من الحاجات الإيجابية، وأكيد عايز أمنع نفسي من الحاجة اللي المجتمع رافضها، مش عشان الحلال والحرام بس، عشان فيه حاجة اسمها عرف".