خالد الجندي: كأس العالم أثبت إن كل الناس تقدر تصحى تصلي الفجر

تحدث الشيخ خالد الجندي عن دلالة لافتة كشفتها مباريات كأس العالم التي تقام وقت الفجر، مؤكدًا أن استيقاظ الشباب لمتابعة المباريات أثبت قدرتهم على النهوض لصلاة الفجر متى توفرت النية.

قال "الجندي" خلال برنامجه "لعلهم يفقهون"، المذاع على شاشة "dmc": " الشرع بيتلكك لك عشان تدخل الجنة، بس أنت استفيد منها واغتنمها".

أضاف: "موضوع كأس العالم والكورة اللي شغالة دلوقتي أثبتت حاجة لا تدع مجال للشك، وهي إن كل الناس تقدر تصحى تصلي الفجر وخاصة الشباب".

أشار: "المباريات بتيجي ساعة الفجر، مفيش واحد نايم، إيه النظام يا جماعة، اللي عايز يصحى يصلي الفجر هيصحى، وكأس العالم كشف ده".

أوضح: "أنا لا بقول رأيي في الكورة ولا بحلل ولا بحرم، أنا بس بقول ملاحظة شيخ، إن كل الناس تقدر تصحى تصلي الفجر، الصحيان مابقاش معضلة أهو، واللي كان ظابط المنبه واللي كان قايل لمامته صحيني، كل ده عشان كان فيه استعداد".

اختتم: "ده نظام مؤمنين، انضم لهم بقى واستمر، أنت حضرت كأس الدنيا استعد بقى لكأس الآخرة".