سلوى محمد علي: محمد مرزبان حافظ على "كرامته" في مواقع التصوير
تحدثت الفنانة سلوى محمد علي عن الفنان الراحل محمد مرزبان، مشيرة إلى معاناته مع بعض المعاملة غير الإنسانية في كواليس العمل، مشيرة إلى أنه كان يعشق التمثيل ويتحمل الكثير ويحافظ على "كرامته" دائمًا.
كتبت "علي" عبر حسابها الرسمي على موقع "فيس بوك": "من قلبى بشكر شاهد على اللفتة الرائعة إن صورة زميلى على أفيش المسلسل، وهو كان ضيف شرف فى (ورد على فل وياسمين) زميلى اللى حسينا بيه بعد ما مشي".
أضافت: "قابلت صديق له فى جنازته، قال لىّ أنه كان بيبقى تعيس من بعض الناس اللى ما كانوش بيعاملوه بإنسانية، ولحد ما مشي كانوا بيحاسبوه باليوم وبيناقشوه فى البريك اللى هو الأكل.. وإحنا كلنا عارفين أن الكلام فى الاكل محرج جدا.. زميلى اللى كان بيعشق التمثيل، وبيستحمل فى المقابل أحيانا معاملة لا تليق".
أشارت: "كلنا بنبقى حواليه ملهيين فى حالنا وما شوفناش تعاسته.. أنا بس نفسى نفكر أثناء ما العجلة دايرة في الناس اللى بيدوروها، كلنا تروس من لحم ودم وأحاسيس".
اختتمت: "يا رب ناخد بالنا من اللى بنؤذيهم وإحنا مش واخدين بالنا.. عشان لما بيموتوا مش بنقدر نرجع الزمن ونصلح غلطتنا".