بسبب الجلابية.. تعليق محمد رمضان على أزمة منع مواطنين من دخول فيلم "أسد"
علق الفنان محمد رمضان على أزمة منع دخول ثلاثة مواطنين لحضور فيلمه الجديد "أسد" وذلك بسبب ارتدائهم للجلابية الصعيدي.
نشر "رمضان" مقطع فيديو عبر حسابه الرسمي على موقع التواصل الاجتماعي وتبادل الصور والفيديوهات "إنستجرام" وكتب: "شرف ليا وللسينما ولكل صناع الفيلم دخولكم، ولو مشالتكوش الأرض أشيلكم على راسي.. واثق في رد فعل معالي وزيرة الثقافة باعتذارها الرسمي لكل الصعايدة في مصر.. السينما للجميع ودي أبسط حقوق الشعب".
قال خلال الفيديو: "3 صعايدة داخلين فيلم (أسد) امبارح فيمنعوهم عشان لابسين جلابية صعيدي، فيهم واحد في سن والدي!".
تابع: "ياللي منعتهم، قلبك وعقلك فين؟ أصلك إيه؟ أمك روسية مثلًا ولا جدك تركي؟ عايز أفهم أنت منين؟ إزاي يهون عليك تروحهم مكسورين الخاطر؟ قانون إيه اللي حطاه السينما؟".
ناشد الدكتورة جيهان زكي، وزيرة الثقافة بالتدخل وتقديم اعتذار رسمي لصعيد مصر، موضحًا: "معالي وزيرة الثقافة، أنا مبكلمش حضرتك كمواطن، أنا بكلم حضرتك كإنسان مش حتى كبطل الفيلم اللي حصلت فيه الواقعة.. أرجو من سعادتك اعتذار رسمي لصعيد مصر على الموقف ده، دي مش إهانة ليهم، دي إهانة لينا كلنا".