"اكتئاب المناسبات".. إسلام إبراهيم: ما بحبش يوم عيد ميلادي!
قال الفنان إسلام إبراهيم إنه لا يحب يوم عيد ميلاده، مشير إلى أنه يشعر بعدم الراحل في العديد من المناسبات، وهو ما أطلق عليه "اكتئاب المناسبات".
أشار "إبراهيم" خلال لقائه ببرنامج "الستات ما يعرفوش يكدبوا" المذاع على شاشة "CBC" وتقدمه الإعلاميتان مها بهنسي ومنى عبد الغني: "أنا ما بحبش عيد ميلادي، مش شايف أي إنجاز في يوم عيد الميلاد.. بحس إنه مش حدث يعني".
أضاف: "ومش ببقى في حالة راحة في المناسبات، لما جيت أبحث في الموضوع لقيت إن فيه حاجة اسمها (اكتئاب المناسبات)، وده اللي عندي".
كما كشف عن حظه في الحب والزواج قائلاً: "حظي زفت، أنا مش هعرف أتجوز إلا لو حبيت، والحب بقى حاجة نادرة".
وفي سياق متصل، فقد تحدث عن والدته الراحلة قائلًا: "أنا نفسي أبقى في حضنها وأشم ريحتها.. وأي حد بيحبني يا ريت يدعي لها بالرحمة".
أشار:" أنا عندي أزمة أن الأكل زي البصمة وبشوفه لغة تواصل، وهي راحت وخدت نفسها معاها. في حاجات كتير لما أجي أكلها بقى ملهاش طعم وبطلت أكلها".