نجل محمد رشدي: والدي سجّل "قولوا لمأذون البلد" بأمر السادات!
كشف طارق نجل الفنان الراحل محمد رشدي عن تفاصيل حادث مروري تعرض له والده أثناء عودته من حفل في السويس، أثر على حركته حتى وفاته.
قال "رشدي" خلال لقائه ببرنامج "الستات" المذاع على شاشة "النهار" وتقدمه الإعلاميتان سهير جودة ومفيدة شيحة: "والدي كان في حفلة في السويس، وكان في رقاصة وهما راجعين قاعدة على كرسي، وبعدين قالت له: أقعد على الكرسي التاني عاوزة أريح شوية، فـ اتنقل".
أضاف: "بعد 10 دقايق عربية أنابيب بوتاجاز دخلت في الأوتوبيس، الرقاصة ماتت. وهو فاق لقى رجله مكسورة وحاجبه مقطوع.. بعد كده قدر يمشي عليها بس ما يقدرش يجري".
كما كشف عن كواليس أغنية "قولوا لمأذون البلد" الذي غناها والده أمام الرئيس السادات، قائلاً : "كان بيسجل أغاني في الإذاعة كل شهر، لأن لو ما سجلش مش هيلاقي ياكل. في يوم لقى عربيات مصفحة على باب الإذاعة، والعساكر قالت له: امشي إحنا في ثورة 1952".
أضاف: "الرئيس السادات لمحه من بعيد وقال له: عندك إيه تغنيه؟ قال له: في أغنية اسمها قولوا لمأذون البلد، قاله: ادخل غنيها إحنا في فرح".