نزلت 20 كيلو فجأة.. شيماء سيف تتحدث عن خضوعها لعملية تكميم
قالت الفنانة شيماء سيف، إنها سعيدة بعد خضوعها لعملية تكميم من أجل إنقاص وزنها، موضحة أنها خسرت 50 كيلو بعد خضوعها للعملية.
أضافت "سيف" خلال لقائها في برنامج "كلام الناس" المذاع عبر شاشة "mbc مصر": "بعد العملية نزلت 20 كيلو فجأة، وكل شهر ممكن أنزل 6 كيلو، ودي حاجة بتفرحني جدا، وإحساس إني نزلت من 3 أرقام لرقمين خطير".
أشارت: "نزلت لحد دلوقتي 50 كيلو وأكتر حاجة مفرحاني بعد العملية إني بقيت بركع وأنا بصلي، أنا كنت بصلي على كرسي زي الناس الكبار، لما بقيت أصلي عادي مكنتش مصدقة نفسي".
أوضحت: "الشكل الخارجي مش فارق لي، الأول كان فارق لي إني كويسة وسليمة، في مميزات طبعا بعد العملية، إني بقيت خفيفة بمشي وبروح.. دلوقتي بتفرج على نفسي في الفيديوهات القديمة بتخض".
يذكر أن الفنانة شيماء سيف، كانت قد شاركت في مسلسل "فراولة" بطولة الفنانة نيللى كريم، صدقي صخر، أحمد فهيم، علا رشدي، حجاج عبد العظيم، دنيا سامي، تونيماهر وعدد كبير من ضيوف الشرف، تأليف محمد سليمان عبد المالك، وإخراج محمد علي.