أحمد زاهر عن مرضه: كنت يائس وبحلم بالموت
تحدث الفنان أحمد زاهر عن معاناته مع المرض، موضحا أنه في البداية كان يائسا ويحلم بالموت، ولكن بعد ذلك كان يحاول ألا يستسلم للمرض.
أضاف "زاهر" خلال لقائه في برنامج "كلام نواعم" المذاع عبر شاشة "mbc1": "لما الواحد بيحصل له حاجة وبيقع ناس كتير بتستسهل أنها تستسلم وتقول خلاص ده قدري، الواحد لازم طول الوقت يعافر يقع ويقوم وإلا هيفضل واقع طول الوقت ومش هيقدر ينتج حاجة".
أوضح: "أنا لما صابني المرض قعدت 3 سنين كنت تعبان جدا ويائس وبحلم بالموت، بس في ناس وقفت جنبي أولهم مراتي وأنا بدأت أعافر وأعمل أي مجهود عشان أنزل، كنت 185 كيلو والموضوع كان صعب أوي، كنت دايما بقول هعمل وهشتغل على نفسي وهتعب وهعمل رياضة".
أشار: "بعد ما خسيت أوي جات لي مرحلة تانية إني لازم أرد شوية عملت ده، ولما كنت عايز ابني جسم عشان دور معين في فيلم فارس بدأت أروح الجيم وقعدت سنتين عشان أوصل نفسي للشكل اللي يناسب فيلم أكشن".
أردف: "أنا طول الوقت بحاول وبعافر وبقزل مش هستسلم وبدعي لربنا وبصلي أنه يقف جنبي ويقويني وربنا كان بيساعدني".
مسلسل "نعمة الأفوكاتو" بطولة مي عمر وأحمد زاهر وكمال أبورية وأروى جودة وسلوى عثمان وسامي مغاوري ولبنى ونس وعماد زيادة وهدير عبد الناصر وغادة فلفل وأحمد ماجد وولاء الشريف ومحمود غريب، والعمل من تأليف مهاب طارق ومحمد سامي، ومن إخراج محمد سامي.