منال الصيفي عن أشرف مصيلحي: كان ابن موت

قالت المخرجة منال الصيفي، إن زوجها الفنان الراحل أشرف مصيلحي، كان شخصا طيبا وحنونا، ويحب عمله ويلتزم به، موضحة أنه كان يحبها مثل حب والدها له وكان يحتويها، لذلك شعرت أنها تقدمت في العمر بعد رحيله.

أضافت "الصيفي" خلال لقائها في برنامج "قعدة ستات"، المذاع عبر شاشة "ألفا": 'أشرف مقاليش بحبك إلا من يمكن سنتين قبل ما يعرف أن هو تعبان، أنا كنت مستغربة، أكيد قال في الأول خالص بس الدنيا خدتنا، هو مبيعرفش يقول بحبك بس بيعرف يعمل".

نرشح لك: كلمات أغنية "كلام الماما" لـ "شارموفرز"

أشارت: "هو بيحب بيته وعيلتي وعيلته، إحنا مكناش من الناس اللي بتحب تخرج كتير كنا بنحب نقعد في البيت مع ولادنا ونستمتع بيهم".

أوضحت: "حبه كان زي حب أبويا كان محتوينا كلنا، كنت بحس إني طفلة، حسيت إني كبرت لما مشي.. وأشرف كان ابن موت، يمكن عشان كده مشي بسرعة، كان حنين وطيب وأصيل".

أردفت: "في اللوكيشن قمة في الالتزام والاحترام، بيروح حافظ وقاعد في مكانه، مبيتكلمش ولو عنده حاجة عايز يقولها بستأذن، كان شخصية بتشتغل وبتاع شغل جدا، وبيخب السينما جدا".