شريف منير يعتذر لصحفية: كنت قليل الذوق
اعتذر الفنان شريف منير للصحفية، التي انتشر له فيديو وهو يعاملها بطريقة غير لائقة خلال عزاء والدة الفنانة دينا الشربيني.
نشر "منير" فيديو عبر حسابه على إنستجرام، أوضح خلاله أنه تعامل بشكل لا يليق مع الصحفية وهو معترف بذلك، قائلا: "وأنا خارج قابلت مجموعة من الصحفيين وكنت رايح على عربيتي وقولت كلمة، وأنا بقول الكلمة في أخت صحفية قالت حاجة فجأة، وكان رد فعلي أنا كمان مفاجئ وسكتها".
أضاف: "لقيت أن اللي عملته ده عيب أوي لأني قولت لها هووش، وقولت ألم الموضوع فقولت لها انتي فاكرة نفسك صحفية ولا ايه؟ لقيت نفسي بغلط أكتر.. الناس علقت قالت اني قليل الذوق واني مكانش المفروض أعمل كده، أنا استاهل كل التعليقات دي لأني غلطت وكان لازم أخد جزائي".
أردف: "أنا بعتذر عن الطريقة اللي اتكلمت بيها ورد الفعل اللي اتكلمت بيه للأنسة الصحفية والشباب الصحفيين اللي كانوا موجودين وبعتذر لجمهوري اللي علق وهو زعلان مني".
استطرد: "أنا فعلا كنت غلطان وفعلا كنت قليل الذوق وأستاهل النقد اللاذع ده.. وأنا أبويا علمني لما أغلط أقول أنا أسف".