رانيا يوسف: هذا سبب "استرجال" النساء
تابعت "يوسف" خلال لقائها مع ET بالعربي، أن النساء يجب أن يعززن من مجهوداتهن للحصول على المساواة الاجتماعية مع الرجال، موضحة: "الرجالة لما بيشوفوكي جامدة وتقدري تشيلي بيرموا الحمل كله عليكي، ووقتها بنكون الرجالة والستات في نفس الوقت.. ويرجعوا يقولوا الستات استرجلت ليه؟ لأن للأسف الرجالة خابت".
وعند سؤالها عن آخر تطورات خلافها مع زوجها السابق المنتج محمد مختار، علقت: "للأسف ماتحسنتش وكل حاجة زي ما هي".
وصرحت أنها تحضر لفيلم جديد بعنوان "فيتو" يجمعها مع الفنانة إلهام شاهين والفنان عمرو عبد الجليل والفنان فتحي عبد الوهاب.
في سياق منفصل، قالت الفنانة رانيا يوسف خلال لقائها مع "onetv Lebanon": "أنا مش جريئة.. أنا مختلفة، لكن أنا مش بحاول أثير الجدل ولا حاجة، أنا بالعكس شخصية طبيعية جداً عايشة حياتي طبيعي بلبس اللي بيعجبني وبيليق عليا".
تابعت "يمكن دا مختلف عن المجتمع المصري شويه لأنه متحفظ شوية.. أنا تربيتي مختلفة فيه شوية جرأة لأني اتربيت في جو فيه مساحة من الحرية بتخليني اختار اللي أنا عايزاه وأخد قراراتي بنفسي وفي الآخر أنا اللي بشيل نتيجة قراري".
جدير بالذكر أن آخر أعمال الفنانة رانيا يوسف مسلسل "شارع 9" بطولتها مع محمود عبد المغني، نرمين الفقي، نضال الشافعي، سميرة صدقي، أحمد سلامة، هدى الإتربي، وغيرهم.. من تأليف حسين مصطفى محرم وإخراج محمد عبد الخالق.