رنا رئيس: أحلم بالزواج والنجاح في حياتي
قالت "رئيس" خلال حوارها مع الإعلامي معتز الدمرداش في حلقة اليوم من برنامج "ضيفي" المذاع عبر شاشة "الشرق للأخبار"، إنها تحلم بالزواج وتكوين أسرة ولكنها تتمنى أيضا أن تكون أكثر نجاحا وتقدم العديد من الأدوار الفنية المختلفة.
أوضحت: "من أحلامي إني أتجوز بس نفسي إني أبقى بنجح أكتر، وأبقى بعمل أدوار أكتر، وأبقى بعمل حاجات أفيد بيها اللي حواليا.. نفسي أحقق حاجات كتير أوي".
تابعت: "بس دلوقت نفسي أنجح في الحاجة اللى أنا بعملها عشان بمجرد ما اتخطاها أدور على اللي بعدها.. اللي شاغل تفكيري أكتر في الوقت اللي أنا فيه الحاجة اللي أنا بعملها دلوقتي".
أوضحت: "بحب بعد كل خطوة أخدها أشوف أنا وافقة فين في اللي أنا نفسي أحققه".
يذكر أن الفنانة الشابة رنا رئيس تشارك في فيلم "أولا حريم كريم" الذي يعرض حاليا في السينمات.
الفيلم من بطولة مجموعة كبيرة من النجوم من بينهم مصطفى قمر، داليا البحيري، خالد سرحان، عمرو عبد الجليل، بسمة، علا غانم، بشرى، رنا رئيس، يوسف عمر، تيام قمر، تأليف زينب عزيز وإخراج علي إدريس.