بدأ في مسرح الجامعة.. محمد شاهين يروي كيف دخل مجال التمثيل
نورهان محمد
قال الفنان محمد شاهين إنه دخل مجال التمثيل عن طريق الصدفة عندما التحق بالجامعة.
قال “شاهين”، خلال برنامج “البودكاسترز”، الذي يتم عرضه عبر موقع الڤيديوهات “يوتيوب”، مع باسل الزارو: “واحدة جارتنا، كنت أول مرة أروح الجامعة، وكان أول يوم ليا، وهي كانت في كلية تجارة، قالتلي تعالى أوديك أول يوم”.
نرشح لك: نيقولا معوض يحكي تفاصيل تعرضه للتحرش بعمر 11 عاما
تابع: “فبتقولي ده مدرج أ وده ب وده ج ود، وفي المكتبة والمسرح فوق.. عرفت إن في مسرح، وفي ناس بتمثل، دخلت أول أسبوع كده قعدت في أخر المسرح خالص اتفرج على الناس بيعملوا تدريبات، ومش فاهم بيعملوا إيه، وشوية ناس بيغنوا، وبعد كده شوية ناس يمثلوا، وأنا غريب”.
استكمل: “كنت باجي قبلهم، وابتدت الناس تقول مين ده، فين وفين بقى لما حد قالي طب إيه؟ قولتله أنا عايز أعمل كده، عايز أمثل، ومن هنا تبتدي إن أنا أشتغل في الجامعة مسرحيات كتير”.
View this post on Instagram
يذكر أن أخر أعمال الفنان محمد شاهين هو مسلسل “الهرشة السابعة”، الذي عرض في شهر رمضان وحقق نجاحا كبيرا، وهو بطولة أمينة خليل، ومحمد شاهين، وأسماء جلال، وعلي قاسم، وحنان سليمان، وعايدة رياض.
من المنتظر أن يعرض فيلم “وش في وش” خلال شهر أغسطس، بطولة أمينة خليل، ومحمد شاهين، ومحمد ممدوح، وأسماء جلال، وأنوشكا، وأحمد خالد صالح، وبيومي فؤاد.