شاهد.. أغنية "لو كان" لـ أمير عيد من مسلسل "ريفو 2"
طرحت منصة Watch it آخر أغنية لـ أمير عيد من الجزء الثاني لمسلسل “ريفو”، والذي عُرضت آخر حلقتين منه خلال الساعات الماضية. والأغنية تحمل اسم “لو كان”.
نرشح لك: شاهد.. كليب “طب اهو” لـ لطيفة بمشاركة منذر رياحنة
وجاءت كلمات الأغنية كالتالي:
لو كان في الإمكان
افضل معاكم يوم كمان
هغني غنوة بدون كلام
وانتوا تكتبوا عننا وعن الايام
الجاية
لو كان في الإمكان أعود بالزمان
لو كان في الإمكان أعود بالزمان
عشت بذمة ومش ندمان
لما حبيت اتحبيت كنت عاشق ولهان
بدل الواحد كنا خمسة
والحبيبة اللي بيا حاسة
وناس عزيزة في القلب عاشوا
عيشوا بقلب واوعوا تخافوا
لو كان في الإمكان أعود بالزمان
لو كان في الإمكان أعود بالزمان
وعلي كل حال انا عشت فارد صدري
وبسرعة كنت بجري عارف اني ماشي بدري
وهعيش بعد موتي هيفضل مكمل صوتي
سعيدة النهاية مش عايز اغير فيها
دايما كنتوا معايا وايديا كانت في ايديها
في الاخر اتحبيت في الدنيا سبت شيء
لو كان في الإمكان أعود بالزمان
لو كان في الإمكان أعود بالزمان
يشار إلى أن الجزء الثاني من مسلسل “ريفو” يتكون من 10 حلقات، ويشارك صدقي صخر في بطولة المسلسل النجوم أمير عيد، ركين سعد، حسن أبو الروس، تامر هاشم، مينا النجار، سارة عبد الرحمن ومحسن محي الدين، والمسلسل من تأليف محمد ناير ومن إخراج يحيى إسماعيل.