محمود عامر يروي موقفا مؤلما في أحد مكاتب الكاستينج

كشف الفنان محمود عامر تفاصيل تعرضه لموقف مهين في أحد مكاتب الكاسيتنج، موضحا أنه كان مؤلما بالنسبة له.

تابع “عامر” خلال حواره مع الإعلامية إنجي هشام في برنامج المنسي عبر قناة هي: “الموقف ده وجعني وجع السنين وكتبته على صفحتي لأنه حصل معايا، الأجيال مش متواصلة أولا وفي شباب معذورة مش عارفين لكن الاوديشن في أوروبا في بلاد الفرنجة لو بيعمل اوديشن بيجيب الممثل لو بيعمل دور بيجيب فيه ٣ ويعملهم ماكياج وملابس والدور بنقعد نحفظه يومين تلاتة وبندرب عليه وبيشوفوا على الكاميرا ودول ممثلين سوبر ستار بيحصل معاهم كده”.

تابع: “إحنا عندنا بقي في الكاستينج دايركتور بيجيبوا مساعد تالت أو رابع إلا من رحم ربي طبعا في مخرجين كبار ليهم كل التقدير بيبقي المخرج المنفذ أو المخرج بذات نفسه أنا مرة اشتغلت في مسلسل لبناني كان المخرج قاعد ذات نفسه رغم أني كنت عامل تلت مشاهد”.

اختتم: “لما روحت عملت الاوديشن قالي طولك طب وزنك، وبعدها سألني خدت ورشة عند مين لو كنت رديت طبعا كانت هتبقي ليلة سودة، قولتلوا اااه وروحت رايح ناحية الباب ولا قولتلوا حاجة، وأنا واثق أنه أكيد قال ده أكيد مجنون ولا جراله حاجة، المواقف دي بتوجع”.