شاهد.. أغنية "بومبا" لـ مصطفى شوقي
طرحت شركة “فري ميوزك” أغنية جديدة للفنان مصطفى شوقي تحمل اسم “بومبا” عبر قناتها الرسمية على موقع “يوتيوب“.
الأغنية من كلمات وألحان: عزيز الشافعي، توزيع موسيقي: أحمد عادل، تسجيل صوت: أكرم عادل، هندسة صوت، ميكس وماستر: هاني محروس، إخراج: نصر محروس.
نرشح لك: كلمات أغنية “بومبا” لـ مصطفى شوقي
وجاءت كلمات الأغنية كالتالي:
سُكارى سُكارى
هل رأى الحب سُكارى
بعد ما تروح الحرارة
لو بياع ورد في إشارة
ولا رئيس مجلس إدارة
السقا أمير كرارة
تنزل دموعه بغزارة
المعنويات منهارة
سكينة سكينة
كلنا سرقانا السكينة
ويا عيني عليكي يا مسكينة
النحس ده ليه ماسك فينا
مين اللي خرم السفينة
الدنيا بتأسفن فينا
وحاولنا كتير أوي وحفينا
ربنا يشفيكوا ويشفينا
إيـــه.. أخباركم إيه؟؟
مزقططين ومهيصين بأمارة إيه!!
إيـــه.. حلو المزاج؟ ولا العلاج ماشيين عليه؟
بمبا بمبا بمبا يا دنيا
خدنا فيكي بومبا
رقصنا سامبا
رقصنا رومبا
وآخرة المتمة زومبا
بامبي بامبي بامبي صحيت لقيته جنبي
بس اللي باين باين كان عكس المستخبي
قلبي
إمبارح كان عمري 12
هداف ونجم الـ18
وحبيبتي قمر 14 طلت من بلكونة بيتها
يخربيت حلاوتها
يخربيت طعامتها
راحت فين راحت فين
راحت فين ده أنا حبيتها
بلا بلا بلا بلا
كل الكدب ده حافظاه
ولا أقولك مش هقولك
مش هقول ع البير وغطاه
بلا بلا بلا بلو بلو
الواد طالع لأبوه
ويا ريتهم علموه
أصل اللعبة دي One Two
يذكر أن أحدث أغاني مصطفى شوقي هي أغنية “رموا طوبتي”، من كلمات وألحان عزيز الشافعي، توزيع محمد الفرا، تسجيل صوت أكرم عادل، ميكس وماستر: هاني محروس، إنتاج: فري ميوزيك – نصر محروس.