علي الحجار: أنا بحب مدحت صالح.. وموقفي تغير بعد حفلته

تحدث الفنان علي الحجار عن تفاصيل وأسباب الخلاف الأخير بينه وبين الفنان مدحت صالح بسبب مشروع “100 سنة غنا”.

قال “الحجار” في مداخلة هاتفية مع برنامج “كلمة أخيرة” الذي تقدمه الإعلامية لميس الحديدي على شاشة ON: “أولا أنا بحب مدحت صالح كفنان بيعرف يشخص، المطرب مش صوت حلو وخلاص”.

نرشح لك: نجوم الفن والإعلام.. حضور كبير لحفل علي الحجار

تابع: “مدحت صالح لما يقول (لا هتاخد إيه ولا كام وليه.. زي ما هي حبها) بالإحساس اللي يخلينا نبكي كل ما نشوف المشهد ده، ونسمع مدحت صالح وهو بيقول الأغنية العظيمة (زي ما هي حبها) اللي عملها عمر خيرت، بتأثر كل مرة وبحس بجمال صوته ووعيه بأنه ازاي يعرف يشخص ويمثل الأغنية”.

استكمل: “راجل فنان بيفهم أوي أوي، مدحت ده تلميذ أبويا، هو وعمرو دياب ولطيفة التونسية وشيرين وجدي وأنغام وناس كتير عرب كانوا بيدرسوا مزيكا في مصر، لما عملنا الذكرى الأربعين بتاعة أبويا في المسرح القومي، مدحت حضر 3 بروفات ووقف على المسرح وغنى لحن من ألحانه وقال أنا تلميذ عم ابراهيم الحجار”.

أوضح: “بس اللي زعلني لما لقيت الكلام اللي بيتقال في المؤتمر شبه مشروعي، لكن لما شوفت الحفلة مختلفة تماما وزي حفلات مدحت صالح المعتادة ارتاحت بقى خلاص وقولت الراجل مش بيقلد مشروعي”.

قال “الحجار” في مداخلة هاتفية مع برنامج “كلمة أخيرة” الذي تقدمه الإعلامية