حورية فرغلي عن عملية استئصال الرحم: أتولدت من جديد
أكدت الفنانة حورية فرغلي، أنها خضعت لعملية جراحية، مساء أمس الخميس 6 يونيو، لاستئصال الرحم.
أوضحت “فرغلي خلال تصريحات لـ “ET بالعربي” أنها تشعر بالتعب الشديد حاليًا، ولا تستطيع التحدث، ولكن تطمئن الجمهور على حالتها الصحية فهي تتحسن من وقت للآخر، مضيفة: “أتولدت من جديد”.
نرشح لك: تامر هجرس: الفن بقى تجارة أكتر من أنه رسالة
في سياق آخر، علقت الفنانة حورية فرغلي على الجدل الذي أثاره المذيع العراقي نزار الفارس، بعد إعلان خطبتهما سويًا، وإعلان ذلك على مواقع التواصل الاجتماعي خلال الأسابيع الأخيرة الماضية.
قالت “فرغلي” خلال مداخلة هاتفية لبرنامج “ملفات” الذي تقدمه الإعلامية أميرة بدر على شاشة “هي”: “أنا نفسيًا مش كويسة، وحاسة إني عايشة في كابوس من أول إمبارح مش حاسة إني عايشة في دنيا حاسة إني في غابة، وده مذيع بقاله أسبوعين بيحاول يعمل معايا لقاء وقالي إنه عراقي، أنا كنت شفت لقائه مع رانيا يوسف مرة، قولتله أوك، قولنا نصور في البيت وأنا قولت أوك وساكنة قدام نادي الجزيرة والمنظر حلو، وأنا قولت ده كله بيصوروا وضيف عندي في البيت”.
استكملت: “أولاً الأسئلة اللي جاي يسألها لي أنا مستغربة أنه بيسألها تاني، وهو جاي عنده خطة معينة جاي مرتب لها، وبعد ما خلصنا سألني بتحبي ماجد المهندس وأنا قولتله عادي معرفوش أوي، فقالي هسمعك أغنية وطلب مني أتصور وأرقص معاه، وكل اللي حواليه بيلموا المعدات والكاميرات، ومعرفش مين بيصور، ومرضتش أكسفه ولكن قولتله مش هيبقى حلو أنا طويلة ولابسة كعب وهيبقى منظري مش حلو”.
عبرت عن حزنها الشديد لما تعرضت له: “ليه مكنتش صريح معايا؟ ازاي حد يقابل حد بعد خمس دقايق يقوله عايز تتجوزه؟ هو عشان أنا عندي مشكلة في مناخيري يبقى غلبانة بقى ويحصل فيا كدا؟.. هو سألني وقالي أنتي متجوزة قلتله لأ أنا سنجل بقالي فترة كبيرة، ومش فاكرة الكلام ده كان جوه الحلقة ولا براها؟”.
كما نفت ما تردد حول اتفاقها مع المذيع العراقي لتصدر تريند مواقع التواصل الاجتماعي، عن طريق خطبتهما: “أكيد مش متفقة معاه على تريند يعني هو أنا اللي رحت له العراق؟ واتفقت على اللقاء، وبعدين أنا مش محتاجة، كان مريب وهو من أول ما دخل كان غريب وبيصور كتير، ومعنديش أي مشكلة الحلقة تنزل، عشان الناس هتعرف كده متفقة معاه ولا لأ”.