مدبولي: الرئيس وجه بإنشاء "مقبرة الخالدين" لإعلاء شأن زعماء مصر
مقبرة الخالدين
قال الدكتور مصطفي مدبولي، رئيس الوزراء، إن الدولة لن تبني أية إنشاءات في منطقة مقابر صلاح سالم بعد نقل الرفات منها لمقابر الخالدين.
أوضح “مدبولي”، صباح اليوم السبت، خلال زيارته لمقابر صلاح سالم، تنفيذا لتكليفات الرئيس عبدالفتاح السيسي بإنشاء مقابر الخالدين وتطوير المنطقة: “في حاجة درسناها دينيًا إن مينفعش نعمل حاجة فوق المقابر القديمة، ممنوع نبني أي مباني، فهيبقى إما حدائق ومنتزهات أو الطرق، عشان نحل مشكلة النقل والانتقال جوة العاصمة، لأن منقدرش دينيًا نعمل أكتر من كده، ومينفعش نسيب منطقة بهذا الشكل في قلب القاهرة، كان لازم نلاقي لها حلول.
نرشح لك: ما الدعوة التي طلبها الرئيس من والدته قبل بيان 3 يوليو؟
أضاف: “سيادة الرئيس وجه بإنشاء مقبرة الخالدين، عشان نعلي من شأن زعمائنا اللي ضحوا لهذه الدولة على مدار العصور، ويبقى هناك مكان مجمع الناس تروح تشوفه، ويبقوا عارفين الزعيم ده عمل إيه لمصر، فالتوجيهات إننا نعمل مكان على أعلى مستوى بيجمع كل الخالدين والزعماء لهذا الوطن، ويبقى مزار لينا عشان نفتخر بيهم، ويبقى جزء من رفع كفاءة القاهرة القديمة”.
في سياق متصل، أردف رئيس الوزراء: “في مقابر شايفنها إنها قديمة وشكلها تراثي وحضاري، وأنا كراجل متخصص، بجانب إن بعضها مش داخل ضمن خطة التطوير خالص، لكن خلال شهور ممكن تقع وتنهار، واحدة منهم حصل حريق في الهيش حواليها فالواجهة اتحرقت، فده كان ضمن رؤيتنا للموضوع، إن المقابر اللي مش هيتم نقلها هيتعمل تطوير ليها كواجهة، والدولة اللي هتصرف عليها، برغم إنها مسؤولية الأسرة لكنها هجرت والأحفاد لم يطوروها”.
