هل الميت بيسمعنا لما بنزوره؟ مصطفى حسني يجيب
رد الداعية الإسلامي مصطفى حسني، على سؤال أحد المتابعين الذي يقول فيه: “هل الميت بيسمعنا لما بنزوره؟”.
قال “حسني” خلال فيديو له نشره عبر حسابه الرسمي على موقع تبادل الصور والفيديوهات “إنستجرام“: “أغلب أقوال أهل العلم أن إحنا لما بنزور الأموات في القبور بيسمعونا .. وبيفسروها بتفسيرات كثيرة على رأسها كلام النبي عليه الصلاة والسلام مع الأموات كأنهم حاضرين وهو بيقول (السلام على أهل الدِّيار من المؤمنين والمسلمين، ويرحم الله المستقدمين منكم والمستأخرين، وإنا إن شاء الله بكم للاحقون)”.
نرشح لك: الإفتاء توضح حكم التصوير أثناء الحج والعمرة
أضاف: “وكان النبي بيكلم الأموات ويقولهم (هل وجدتوا مع وعدكم به الله حقا؟) وكانوا كفار وقتها في غزوة بدر فسيدنا عمر يقوله (حضرتك بتكلم الأموات) يقول له النبي (أنهم يسمعونني أكثر مما تسمعني يا عمر)”.
أوضح: “وكثير من الأيات والأحاديث اللي بتتكلم عن سماع الأموات لمن يزورهم، فالعلماء بيقولوا تروح وتقرب من القبر وتطمنه عليك وتكلمه عن أحوالك كأنك بتحكيله وهو واقف ورا الجدار ومش قادر يرد عليك”
View this post on Instagram
في سياق آخر، كشف الداعية مصطفى حسني عن 4 خطوات للتخلص من العصبية، وأخذ ردود الأفعال التي تجعل الشخص يخسر المقربين منه.
قال “حسني” خلال مقطع فيديو نشره عبر حسابه الرسمي على موقع الصور والفيديوهات “إنستجرام“: “4 خطوات للتخلص من العصبية رقم واحد (وَفِي أَنفُسِكُمْ ۚ أَفَلَا تُبْصِرُونَ) محتاج تبقى عارف إيه اللي بيعصبك والسلوك اللي بيستنفر فيك الغضب وتبلغ بيه الناس المقربين عشان على الأقل يبقوا عارفينه فيحاولوا يتجنبوه”.
أضاف: “رقم اتنين محتاج إنك تقرأ أسماء الله الحسنى فتتعرف على الله وتبدأ تشاهد كل ما يحدث في الكون من أقدار الله، لما تشوف الحاجات اللي بتعصبك جزء من أقدار الله هتاخد معاها رد فعل مناسب للغلط اللي حصل”.
أشار: “رقم 3 محتاج 1000 لا إله إلا الله في اليوم عشان لا إله إلا الله بتهدي القلب ومتخلكش مستنفر دايما في ردود أفعالك مع الناس ويبقى عندك سرعة رد فعل عفوي يخسرك الناس وبعدين تندم”.
أردف: “رقم ٤ محتاج لما تحس إنك هتغضب لو واقف تقعد زي ما النبي قال ولو قاعد تضجع تنام على جنبك عشان تسكت عقلك وأفكارك اللي بتحفزك على الانتقام أو أخذ رد فعل يخسرك الناس اللي بتحبك من اللي حواليك”.