شاب متعثر ماديا ومعنويا يسأل مصطفى حسني: أعمل إيه؟
رد الداعية مصطفى حسني، على سؤال متابع يقول فيه: “تعبان جدا، والدنيا مقفلة معايا ماديا ومعنويا.. أعمل إيه”.
قال “حسني” خلال مقطع فيديو نشره عبر قناته على “يوتيوب”: “3 حاجات أعملهم، أرضى بما قسمه الله تكن أغنى الناس، شاهد بقلبك أن الوجع والضيق الموجود دلوقتي جزء من قصتك مع الله من سيناريو حياتك مع الله اللي فيه منع وعطاء وخفض ورفع ده جزء من قدرك فأسكن تحت مجاري الأقدار، وأعرف أن رب الخير لا يأتي إلا بالخير”.
نرشح لك: النيابة تأمر بحبس المتهمين بقتل طبيب الساحل
أشار: “أنشغل بالخطوة الصغيرة المطلوبة منك دلوقتي، لو عندك مشاكل في الشغل وبتدور على شغل تاني كمل في الخطوة دي، لو عندك مشاكل في دراستك ومحتاج إنك تذاكر شوية عشان عندك امتحان كمل في اللي بتعمله حالا بص تحت رجليك وخد خطوات صغيرة”.
أوضح: “اللجوء إلى الله الدعاء والأذكار اللي بتفرج الهم، فأكثر جدا في الفترة دي من الصلاة على النبي، تكفى همك ويغفر ذنبك، وأكثر من قول حسبي الله ونعم الوكيل، مش بتحسبن على حد أنت بتحسبن على الأقدار، والحسبنة أنت بتقول لربنا كن كافي ليا فيما أمر فيه”.