هيدي كرم تنتقد قتل قرش الغردقة: مش مجرم!
علقت الفنانة هيدي كرم، على حادثة تعرض أحد السائحين بالغردقة لهجوم من سمكة قرش بالغردقة، موضحة رأيها في اصطياد القرش وقتله.
قالت “كرم” عبر فيديو نشرته على “إنستجرام“: “التعليقات اللي شوفتها على اصطياد قرش الغردقة محسسني أن القرش ده مجرم مثلا، هو مش مجرم على فكرة.. هو بس سمكة جعانة وبتدور على أكل في البيئة بتاعتها، مفيش طار بينه وبين السائح الروسي يعني، وأكيد في حاجة حصلت في البيئة بتاعته خلته يطلع للمياه الضحلة لأن الإنسان مش وجبته المميزة أصلا.. هو وجبته المميزة السمك عادي، عشان كده الحل مكانش أننا نصطاده ونقتله”.
نرشح لك: تفاصيل ظهور القرش “بهلول” على سواحل مرسى علم
أضافت: “أنا تحليلي انه بسبب الصيد الغير شرعي واللي مفيش عليه تحكم واللي خلى البحر منطقة صحراوية مجردة من السمك، ده كده انت خدت أكل القرش فهيخليه يروح يدور على أكل في حتة تانية.. ما الإنسان ماشي ياكل الأخضر واليابس، بوظنا البر ودلوقت بنبوظ البحر معاه”.
أردفت: “الحيوان مابيقتلش عشان خاطر مزاجه كده ولا عشان يتفشخر، لأ الحيوان بيقتل عشان ياكل بس وأول ما بيشبع بيعيش في سلام مع كل اللي حواليه من كائنات حية.. فقبل ما تموت القرش اللي طلع ياكل عشان يا حرام مش لاقي أكله الطبيعي، ياريت نشوف السبب الأول”.
View this post on Instagram
كانت وزارة البيئة أصدرت بيانا رسميا، بشأن تعرض أحد السائحين بالغردقة لهجوم من سمكة قرش.
قامت الدكتورة ياسمين فؤاد وزيرة البيئة بإصدار تعليماتها بسرعة تشكيل لجنة من المختصين بمحميات البحر الأحمر فور تلقي وزارة البيئة بلاغا بوقوع حادث هجوم سمكة قرش على أحد مرتادي شواطئ مدينة الغردقة، وذلك للتوجه لموقع البلاغ للتحقق من ملابسات الحادث.
انتهت أعمال الفحص إلى تأكد رجال محميات البحر الأحمر من وقوع هجوم من سمكة قرش من نوع النمر Tiger Shark على أحد رواد الشاطئ مما أدى إلى وفاته.
أصدرت وزيرة البيئة توجيهاتها بسرعة قيام المختصين بمسح المسطح المائي بمحيط الحادث وذلك لرصد السمكة المتسببة في الحادث، والتى كانت تحوم بالقرب من سطح الماء بالمنطقة. وعليه تم إصدار تعليمات باتخاذ إجراءات لإيقاف أنشطة السباحة والسنوركلينج والرياضات المائية بنطاق المنطقة المحصورة بين منتجع الجونة شمالا وحتى الحد الجنوبي لخليج أبو سومه جنوبا لمدة يومين تبدأ من صباح يوم الجمعة الموافق ٩/٦/٢٠٢٣ بالتنسيق مع محافظ البحر الأحمر.