حمادة هلال يكشف تفاصيل أعماله الفنية المقبلة
تحدث الفنان حمادة هلال، عن تفاصيل أعماله الفنية المقبلة، موضحا كواليس أحدث أغانيه “متحملاني”، و”صاحبي”.
قال “هلال” خلال مداخلة هاتفية ببرنامج “8 الصبح“، عبر شاشة “dmc”، إن أغنية “متحملاني” من أكثر الأغاني التي أحبها، مشيرا إلى أنه يهديها لزوجته لأنها تقف بجانبه دائما.
نرشح لك: دنيا سمير غانم تتحدث عن مشاركة ابنتها كايلا في “جت سليمة”
أردف: “الأغنية دي المفروض كنا ننزل بيها قبل شهر رمضان، بس انشغلنا في مسلسل (المداح)، هي فيها رسالة حلوة أوي أنا حاببها، وبتتكلم عن كل شخص في حياتك اتحملك، أنا بهديها لمراتي”.
أما عن أعماله المقبلة فقال إنه يحضر لألبوم غنائي جديد وسيتم طرحه على مراحل وسيبدأ من شهر يوليو، مردفا: “أغنية (صاحبي) أنا عملتها وسافرت أمستردام وجاتلي فكرة لما شفت كلب صاحبي هناك وقلتله الكلب ده هيطلع معايا في الكليب، ومكنتش الرسالة إني أقول للناس إني بثق في الكلب وصحابي لا، فيه ناس خدت الموضوع كده وأنا كنت عامله بطريقة كوميدية”.
أشار إلى أن “صاحبي” لم تنجح النجاح الكبير مقارنة بأغنية “متحملاني”، ويرى أن ذلك يعود إلى أن الجمهور يريد أغاني رومانسية مثل التي كان يقدمها قديما.
في سياق متصل كان الفنان حمادة هلال، قد طرح أغنيته الجديدة “متحملاني” عبر قناته الرسمية على موقع “يوتيوب“.
الأغنية كلمات وألحان مصطفى شكري، توزيع أحمد أمين، ميكس وماستر محمد جودة، جيتار باسم سعيد.
وجاءت الكلمات كالتالي:
ربنا بيراضي ورضاني
لما بقيتي ليا وعلشاني
أنا متمنتش أكتر منك
بتبيعي الدنيا وشارياني
الحظ اما ضحكلي هداني
وأنتي هدية وتعويض ليا
عن فرحة زمان كانت سيباني
متحملاني وفي كل لحظة ضعف جنبي مقوياني
لا مخلياني شايل هموم أبدا في يوم ومكملاني
واخده بايديا في كل ضيقة ومعدياني
متحملاني أنتي اللي متشالك لك في قلبي ده حب غالي
مقدمالي أكتر من اللي بيتعمل وريحتي بالي
يا أغلي من كل اللي كنت بشوفه غالي
العين بتشوفك ملياها
أسراري معاكي وعارفاها
أنا آمنك على نفسي الطالع
تكمل سكتي لو بدءاها
الدعوة اللي أنا عشت شايلها
كان فرحة نصيبي مأجلها
من غيرك أعيش كده وياها
متحملاني وفي كل لحظة ضعف جنبي مقوياني
لا مخلياني شايل هموم أبدا في يوم ومكملاني
واخده بـ ايديا في كل ضيقة ومعدياني
متحملاني أنتي اللي متشالك لك في قلبي ده حب غالي
مقدمالي أكتر من اللي بيتعمل وريحتي بالي
يا أغلي من كل اللي كنت بشوفه غالي