سلمى صباحي تنصح بمشاهدة فيلم "ساعة إجابة"

عبرت الفنانة سلمى صباحي عن إعجابها بفيلم “ساعة إجابة”، المعروض حاليا في السينمات. ونصحت متابعيها بمشاهدة الفيلم.

كتبت “صباحي” عبر حسابها على موقع التواصل الاجتماعي “فيس بوك“: “من ساعة ما شفت إعلان فيلم ساعة إجابة وأنا نفسي أشوفه.. بس دخلنا في امتحانات ولخبطة مواعيد لحد ما ظبطت أخيرا، وخدت الولاد النهارده اتفرجوا عليه بمناسبة نجاحهم”.

نرشح لك: يوري مرقدي: أجريت مساكنة قبل الزواج.. وبنتي تجريها الآن

تابعت: “الفيلم حلو أوي يا جماعة بجد، لازم تفرجوا ولادكوا عليه.. أولا سليم ده أنا بحبه بشكل من ساعة مسلسل (ليه لأ) لما كان عامل دور يونس.. ثانيا فكرة الفيلم رائعة وأعتقد فعلا كل ولادنا محتاجين يتفرجوا عشان يعرفوا قيمتنا”.

أضافت: “ثالثا الفيلم متنفذ حلو وبشياكة واتبسطت أن فيلم بطلُه طفل يكون معمول بالحرفيه دي والإنتاج ده، ويكون فيه كم النجوم دول جايين يعملوا أدوار صغيره في فيلم من بطولة طفل، حسيت إني باتفرج على home alone مثلا وإن النوعيه دي من الأفلام مهم تكون موجودة في السينما عندنا خصوصا أن مصر مليانه أطفال موهوبين يقدروا ياخدوا فرص كبيرة و ينجحوا.. انصحكوا بشدة تاخدوا ولادكوا وتتفرجوا على فيلم ساعة إجابة”.

تدور أحداث فيلم ساعة إجابة حول طفل في الثامنة من عمره يجسده سليم مصطفى، تقوده الظروف إلى عوالم غريبة، ليجد نفسه متورطاً كل مرة مع أسرة مختلفة في مواقف مثيرة، تتعرض حياته في بعضها للخطر.
والفيلم بطولة سوسن بدر، غادة عادل، شريف سلامة، آيتن عامر، نجلاء بدر، انتصار، محمد ثروت، بدرية طلبة، إيمان السيد، فيدرا، فراس سعيد، مراد مكرم، أحمد فتحي، أحمد طلعت، لطيفة فهمي، مجدي البحيري، بالإضافة إلى المغني الشعبي عمر كمال الذي يشارك في الفيلم بالغناء أيضاً.