حفيدة إسماعيل ياسين: كان بيحب العزلة ومالوش في الحفلات والسهر

قالت سارة ياسين، حفيدة الفنان الراحل إسماعيل ياسين، إن شخصية الفنان إسماعيل ياسين كانت مختلفة عن الشخصية التي يظهر بها على الشاشة، موضحة أنه كان شخص طيب وحنون ولا يحب الخروج كثيرا فكان يحب البقاء في المنزل.

أضافت “ياسين” خلال مداخلة هاتفية في برنامج “مساء dmc” مع الإعلامي رامي رضوان المذاع عبر شاشة “dmc”: “مكانش له في الحفلات والسهر، كان بيحب يعقد في بيته وسط أسرته، ومن هواياته التصوير كان بيحبه جدا، وكان زملكاوي متعصب”.

نرشح لك: عمر خيرت يحكي قصة مكالمة جمعته بـ”عبد الوهاب”

أوضحت: “كان بيحب شغله جدا ومتفاني فيه، وشايف أن الحياة شغل، وكان دايما عايز كل حاجة تبقى مظبوطة، وبيحب يقعد لوحده في عزلة كده، وبيحب القراءة.. كان دمه خفيف جدا وإيفيهاته حاضرة على طول”.

أشارت: “كان صارم في تربيته مع ابنه، على قد ما دلعه لكن كان شديد جدا، المعروف عن بابا أنه كان متدلع جدا لكن هو اللي كان مدلع نفسه، لكن بباه كان شديد معاه جدا، إسماعيل ياسين بنفسه اللي كان بيوصل له في كل مكان”.