أحمد فهيم يروي كواليس تحضير مشهد زواج "وداد" في "جعفر العمدة"

كشف الفنان أحمد فهيم عن تفاصيل شخصية “سيد” التي قدمها ضمن أحداث مسلسل “جعفر العمدة” في رمضان 2023.

قال “فهيم” خلال حواره مع الإعلامية فاطمة مصطفى في برنامج”الراديو بيضحك” المذاع عبر إذاعة “الراديو 9090″، أنه كان يحاول تقديم الشخصية بشكل وسطي يجعل الجمهور لا يستطيع تحديد مسؤولية “سيد” من خطف ابن جعفر، مؤكدا أنه كان صادقا في تقديم الشخصية لذلك وصلت للجمهور وصدقها.

نرشح لك: أحمد فهيم يتذكر نصائح خاله خالد صالح

وعن سبب شكوك الجمهور في خطف سيد لابن جعفر، أوضح: “مش أنا بس اللي كان مشكوك فيا.. المسلسل كله كان مشكوك فيه.. ولكن كله كان رايح نحيته، لأن دايما جعفر كان بيشاور عليه وبيتهمه وعلطول شاكك فيه، كُنت بحاول دايما أعمل المعادلة الـ هي بين البنين، لا الناس تعرف أن أنا اللي خطفته ولا لا.. عايز أبقى في النص كده.. فدايما كنت في النص لحد مشهد اثبات براتي بتاع المصحف”.

وعن مشهد المصحف الذي أثبت براءة سيد، أوضح: “ده اللي الناس صدقت فيه أن مش سيد اللي عمل كده وكان مشهد مهم جدا، لأنه كان إثبات براءة لسيد.. والحمد لله المشهد ده عمل صدى حلو جدا مع الناس وفي الشارع”.

وعن مشهد فرح وداد ورقصها أمامه، قال: ” المشهد ده قبل ما نصوره بـ 3 ساعات كنا بنحضر له.. أنا كنت منعزل لوحدي في أوضة وعمال أشحن نفسي لو من وجهة نظر أحمد فهيم ده حصلي.. ممكن إيه اللي يحصلي.. هو دماغة حصل فيها حاجة ومش مصدق نفسه وفي عالم تاني وحتى لما نزل من البلكونة عشان يكلمها في الكوشة مشي ماشية متلخبطة.. عشان كنت صادق ومركز وأمين على الدور المهم اللي في إيدي إحساسي وصل للناس بالشكل ده”.

 

مسلسل جعفر العمدة، من بطولة محمد رمضان، زينة، هالة صدقي، إيمان العاصي، مي كساب، أحمد داش، فريدة سيف النصر، طارق الدسوقي، وعصام السقا، ومنة فضالي، وعدد آخر من الفنانين، وتأليف مهاب طارق ومحمد سامي، وإخراج محمد سامي.

تدور أحداثه حول الصراع القائم بين المعلم “جعفر العمدة” والمتزوج من 3 سيدات في حي السيدة زينب، والذي يمتلك شركة مقاولات، وعايدة التي تطلب قرضا بقيمة 400 مليون جنيه لإنقاذ والدها من السجن، ويستغل الموقف المعلم جعفر ويطلب منها الزواج لمدة 400 يوم، فتضطر عايدة للموافقة ويستمر صراع الخداع.