كان صعبان عليا.. شيرين رضا: فرحت لما أبويا مات

قالت الفنانة شيرين رضا، إنها تمنت لوالدها الراحة في آخر أيامه لمرضه الشديد وعدم قدرته على فعل أي شيء.

تابعت “شيرين” خلال لقائها مع الإعلامية منى عبد الوهاب في برنامج “أنا والقناع”، المذاع عبر شاشة “الحياة” وCBC: “أبويا في آخر أيامه كان محبوس جوا جسم تقريبا خلصان.. ده خلاني موجوعة أوي عشانه، مكانش قادر لا يقوم ولا يشرب ولا ياكل ولا يعمل أي حاجة، على قد ما كنت مش عاوزه يمشي ويسيبني بس كنت عاوزاه يترحم من اللي هو فيه”.

نرشح لك: زينة: أبو أولادي راجل محترم ومتكفل بولاده والداخل بيننا خارج

أضافت: “أنا بحب أبويا فوق ما أي حد ممكن يتخيل، لكت هو قعد 10 سنين تعبان والحالة كانت بتسوء أكتر مع الوقت.. كان صعبان عليا”.

في سياق منفصل، قالت الفنانة شيرين رضا، إنها علمت ابنتها كل شيء تعلمته من والدها الراحل محمود رضا، منها النقاش وتوضيح سبب رفضها لبعض الأشياء.

أضافت “رضا” خلال لقائها في برنامج “أنا والقناع” المذاع عبر شاشة “الحياة” وتقدمه الإعلامية منى عبد الوهاب: “علمتها تحافظ على مخها ونفسها وأن هي دايما تبقى فخورة باللي هي بتعمله، ومتتكسفش، ومتعملش عارفة أنها ممكن تكسف منها بعدين”.