مي كساب: محمد رمضان شخصية ملتزمة جدا
كشفت الفنانة مي كساب، عن تفاصيل شخصيتها في مسلسل “جعفر العمدة”، بطولة الفنان محمد رمضان والمقرر عرضه في السباق الرمضاني المقبل 2023.
قالت “كساب” خلال فيديو نشرته شركة “MediaHub – سعدي جوهر”، على “فيس بوك“: “شخصية (ثريا) يمكن دي تاني مرة في حياتي من أول ما أشتغلت يتقال لي وإحنا بنكتب الدور ده مش شايفين غيرك فيه، أنا قريت المسلسل كله في يوم من كتر الفضول، وحبيتها جدا على الورق وفعلا شوفت تحدي كبير محدش هيعرف يعمل ثريا غيري”.
نرشح لك: نجلاء بدر تكشف تفاصيل شخصيتها في “سره الباتع” و”رمضان كريم 2″
أضافت: “أنا مقدمتش شخصية أم بالمشاعر دي أبدا، بقالي كتير معملتش شعبي بالطريقة دي، مختلفة أوي، وهتتبسطوا، وهي عندها مرض معين وشخصية ثرية جدا معملتش شبهها قبل كده”.
أما عن تعاونها مع الفنان محمد رمضان في المسلسل، قالت :”محمد رمضان شخصية ملتزمة جدا، وبروفيشنال فوق ما ممكن حد يتخيل، جدع وبيحب زمايله وعنده ثقة في نفسه رهيبة، وسايب مساحة لكل اللي حواليه، وأنا أول مرة أشتغل معاه ومبسوطة جدا”.
في نفس السياق أشارت “كساب” إلى أن المخرج محمد سامي، يعرف الجمهور المصري والعربي جيدا، ويعرف كيف يحذبهم، لافتة: “من أول ما قريت ورق مسلسل (جعفر العمدة) قلت لمحمد سامي أنت مخرج الشعب، ودي حقيقة لأنه عارف تركيبة الشعب المصري والعربي، وعارف إزاي يجذب الجمهور كويس”.
أوضحت: “محمد سامي عامل للشخصيات تصاعد درامي رهيب، كل شخصية سواء رئيسية أو ثانوية عندها أحداث وتطورات طول الوقت، أنا مبسوطة جدا بالتجربة معاه، هو من المخرجين اللي بيعلموا كتير، أنا هخرج من التجربة دي مستفيدة ومتعلمة حاجات كتير أوي منه، لأنه بيحب الممثل جدا، وأهم حاجة عنده في الكادر هو الممثل وأدئه وإحساسه، وإحنا كممثلين لما بنلاقي مخرج كده بنكلبش فيه، هو مخرج من النوادر”.
وعن المرأة التي تقبل أن تكون زوجة ثانية، لفتت: “الست اللي تقبل تكون زوجة تانية غبية، لأنها حياة تنافسية من غير رحمة.. أنا كـ مي عمري ما أقبلها لأنها حياة تنافسية معدومة الرحمة والإنسانية”.
