"عمل بمحل عصير قصب".. أبرز المهن التي عمل بها عمرو وهبة قبل التمثيل

قال الفنان عمرو وهبة، إنه كان يعمل منذ أن كان في الصف الثالث الإعدادي، رغم أن والده كان مقتدرا ولكنه كان يطمح بالتكفل بمصاريف نفسه.

أضاف “وهبة” خلال لقائه في برنامج “معكم منى الشاذلي” المذاع عبر شاشة “CBC” وتقدمه الإعلامية منى الشاذلي: “أنا كنت عايز أجيب لنفسي هدوم العيد وأخرج في الويك أند أجيب لنفسي الأكل اللي أنا بحبه، أول شغلانة أشتغلتها كنت واقف في محل، واشتغلت في مصانع كتير، ومحل عصير قصب، ومحلات موبايلات، وأيام ما نزلت كروت الشحن كنت بلف بعجلة ببيعهم، وبكسب في اليوم 15 أو 20 جنيه”.

نرشح لك: عمرو وهبة: ولدت في باريس.. وتعلمت في الأزهر

أشار: “طول فترة الجامعة كنت بشتغل في صيدلية وشيفتي بيبدأ الساعة 10 بليل وكنت بختاره عشان هادي وأعرف أذاكر، وألطف شغلانة أشتغلتها هي الصيدلية عشان الناس كانت بتقول لي يا دكتور، ولما كان حد يقولي يا دكتور مينفعش أقوله معرفش فأنت قولت لي يا دكتور هتاخد دوا وأنت ماشي”.

من جانبها قالت الفنانة شيري عادل، إنها عملت في الإعلانات منذ أن كان عمرها عامين، موضحة: “كان في مسابقة عاملها نادي هليوبوليس لملكات الجمال الصغيرين، فأخدني أستاذ محمد سامي الله يرحمه والد ياسر سامي المخرج، وأستاذ طارق نور هما الاتنين اللي ابتديت معاهم”.

cbc رئيسية عمرو وهبة معكم معكم منى الشاذلي منى الشاذلي