هل هناك إشارات من الله؟ مصطفى حسني يجيب

إشارات من الله

رد الداعية مصطفى حسني، على سؤال أحد المتابعين يقول فيه: “هل فعلا في حاجة اسمها إشارات من ربنا؟”.

قال “حسني” خلال مقطع فيديو نشره عبر قناته على “يوتيوب“: “إحنا ساعات بنزود الموضوع ده ونقول في كل حاجة في إشارة من ربنا، ربنا قال لي حاجة فأتحرك، آه في إشارات من ربنا، فقد قال (وَكَأَيِّن مِّنْ آيَةٍ فِي السَّمَاوَاتِ وَالْأَرْضِ يَمُرُّونَ عَلَيْهَا وَهُمْ عَنْهَا مُعْرِضُونَ)، وقال أيضا (وَمَا كَانَ اللَّهُ لِيُضِلَّ قَوْمًا بَعْدَ إِذْ هَدَاهُمْ حَتَّىٰ يُبَيِّنَ لَهُم مَّا يَتَّقُونَ)”

نرشح لك: موعد الاحتفال بليلة الإسراء والمعراج

أوضح: “في إشارات ربنا بيبين بيها حاجات وآيات بتدل على عظمة ربنا، وإنذارات خد بالك أنت ماشي غلط، وشكرانية من ربنا على لسان الناس، واحد راح لسيدنا النبي صلى الله عليه وسلم قال الناس بتمدح فيا على خير بعمله أنا كده خلاص مليش ثواب عند ربنا؟ كده ربنا عجل لي الثواب مليش ثواب في الأخرة؟ فقال (تلك عاجل بشرى المؤمن)، ده ربنا بيقولك أنت مقبول بيبشرك بلسان الناس”.

تابع: “آه في إشارات لكن كتر الموضوع فكل ما أشوف حاجة أقول فيها إشارة إني أعمل كذا بتحتاج قلب سليم واستشارة عالم وشيخ، لكن في حاجات بتهجم اسمها الوارد الرباني فقال تعالى (وَأَوْحَيْنَا إِلَىٰ أُمِّ مُوسَىٰ أَنْ أَرْضِعِيهِ)، جالها وحي من ربنا مش عند طريق ملك، اسمه الوارد، فكلما أصلحت قلبك كلما فهمت عن ربنا، ويصلح القلب بالذكر”.