نبيلة عبيد تعلن عن استعدادها لتبني رضيعة من ضحايا زلزال سوريا وتركيا
كشفت الفنانة نبيلة عبيد عن استعدادها لتبني الطفلة التي ولدت تحت الأنقاض، من ضحايا زلزال تركيا وسوريا.
قالت “عبيد” في تسجيل صوتي لبرنامج “MBCTrending“: “متأثرين كلنا جدا بالمأساة الكبيرة اللي بنتابعها كل يوم للشعب التركي والسوري، أنا شفت مشهد الحقيقة مش قادرة أجمع أعصابي الست اللي ولدت تحت الأنقاض، واللي ساعدها في الولادة راجل وهي اتوفت بعد الولادة وهو خد البنت وخرج من تحت الأنقاض حاجة لغاية دلوقتي مخلية الواحد مبينامش أبدا”.
تابعت: “أنا بس عايزة أعرف مصير الطفلة دي فين عشان قلبي واجعني عليها، قلبي واجعني عليهم كلهم ولو قادرة أروح واشترك معاهم هروح، عايزة أعرف مصير الطفلة اللي اتولدت تحت الأنقاض هي موجودة فين ولو هي عند حد ويقدر يتواصل وأنا مستعدة أخدها، يا رب شيل عنا وعن العالم كله”.
View this post on Instagram
في سياق آخر، يذكر أن آخر أعمال نبيلة عبيد كان مسلسل “سكر زيادة” في رمضان 2020، بطولتها ونادية الجندي وسميحة أيوب وهالة فاخر ومي الغيطي وطارق عبد العزيز، تأليف أمين جمال وإبراهيم محسن، وإخراج وائل إحسان.