خالد الصاوي: لم أندم على دوري في "عمارة يعقوبيان"

أكد الفنان خالد الصاوي، عدم تأكده من عرض دوره في فيلم “عمارة يعقوبيان” على الفنان محمود حميدة.

أضاف “الصاوي” خلال برنامج “حبر سري”، مساء الخميس، المذاع عبر شاشة “القاهرة والناس”، مع أسما إبراهيم: “مش متأكد دوري في فيلم عمارة يعقوبيان رفضه محمود حميدة ولا لا، ولكن أعرف أن في ممثلين كبار قلقوا من الدور والنهاردة أن شايف أن عندهم حق”.

أوضح أنه لم يندم على دوره في فيلم “عمارة يعقوبيان”، ولكن يؤيد النجوم الكبار الذين رفضوا الدور لأن لديهم أبناء سيعانون من ردود الفعل على الدور.

تابع: “مش ندمان على الدور ولكن الممثلين اللي رفضوا عندهم حق لأنهم مخلفين لأن عندهم بنات إنما أنا كنت لوحدي في الحياة، وبدأت اكتشف أن الحياة مش بالدراع بس، وكل حاجة كنت بعملها لما كبرت قلت 50% من كل اللي عملته في حياتي الشخصية والفن مش عايزة وعايز استبدله بحاجة تانية”.

في سياق آخر، عبر الفنان خالد الصاوي، عن ندمه على تأخره في قرار الزواج وعدم الإنجاب، مردفا: “ندمت على كل الحاجات غير الطبيعية اللي عملتها في حياتي في إني اتجوزت متأخر وإني مخلفتش، والخلفة ملهاش علاقة بالسند والضهر ولكن تأخرنا في فكرة الخلفة لما عدى الوقت”.

كشف عن أنه فكر في وقت من الأوقات أن يتبنى طفل ولكنه لم يكن متأكدا من كون الفكرة صحيحة أم لا. مضيفا: “مكنتش متأكد أنها فكرة صحيحة ولا لا، واللي يقدر يعمل كده ربنا يبارك له ولكن أنا متحرك وبسافر”.
تابع: “مراتي نفسها بتشتكي إني طول الوقت في شغلي مش في البيت وكمان هيبقى في مسئولية زي وجود طفل وأبقى مش قد المسئولية، وأخاف أعملها وأكون مش قدها وممكن أكفل حد ولكن مش عندي لأني ممكن أبوظ حياته أكتر ما أصلحها”.