سيد علي: الرئيس السيسي مؤدب أكثر مما ينبغي

علق الإعلامي سيد علي، على كلمة الرئيس عبد الفتاح السيسي في المؤتمر الأول للتحالف الوطني للعمل الأهلي والتنموي اليوم.

قال “علي” خلال حلقة اليوم من برنامج “حضرة المواطن” المذاع عبر شاشة “الحدث اليوم”: “مشكلة الرئيس عبد الفتاح السيسي أنه مؤدب أكثر مما ينبغي، وأنا كتبت زمان مقال اسمه الرئيس المؤدب، (بطلوا هري) ده أقل لفظ مؤدب ومهذب يتقال عن الكلام اللي بيتقال، في ناس بقى شياطين قاعدين يتكلموا هيحصل وهيحصل والدولار والحالة وسنة سودة”.

سيد علي

نرشح لك: بعد إشادة الرئيس “السيسي”.. الشركة المتحدة تعلن تعيين مريم حسن بإحدى قنواتها

أضاف: “ناس بتعمل فتن عجيبة جدا، وناس بتنبش مقابر أولياء الله الصالحين، مسائلة غريبة ولا تحدث في أي حتة في العالم إلا في مصر، بصوا على السعودية والإمارات ولبنان وسوريا، هاتوا لي دولة عربية واحدة فيها مذيعين على الهواء بيطلعوا يقولوا ده في خراب ده الدولار هيبقى بكذا، ده فلان الفلاني القيمة والرمز ده كان كذا وكذا، ده مبيحصلش غير في مصر، اللي أنا عايز أقوله إن النهاردة كان يوم مهم جدا والكلام اللي الرئيس السيسي قاله كان مهم جدا”.

في سياق آخر، أعلنت الشركة المتحدة للخدمات الإعلامية، تعيين المذيعة مريم حسن، بإحدى قنواتها.

جاء ذلك عقب تلقيها إِشادة من الرئيس عبد الفتاح السيسي، خلال مؤتمر التحالف الوطني للعمل الأهلي التنموي.

قال الرئيس “السيسي” في الإشادة التي وجهها للمذيعة التي كانت قد فازت في برنامج “الدوم”: “سنك الصغير والموهبة دي احنا محتاجينها.. عايز أقول من خلالك إن فيه في مصر كل اللي احنا بنتمناه بس احنا محتاجين نوصل له، قولنا إن في مبادرات وآليات ممكن تتعمل لو احنا عايزين نجيب ناس بتلعب كرة قدم، بتكتب شعر، أو روايات عظيمة هنلاقي، ومريم مثال لده”.

يشار إلى أن مريم حسن، كانت قد التحقت بقناة اكسترا نيوز كمتدربة عقب فوزها في برنامج “الدوم”.

بعد اهانته.. جبر خاطر جامع البلاستيك ببورسعيد